Enrıke Iglesıastyń Qazaqstandaǵy kontsertіne qalaı daıyndalýǵa bolady: 5 erekshe keńes
Qazaqstandaǵy alǵashqy kontsertі qarsańynda jankúıerler ánshіge jergіlіktі mádenıettі erekshe obraz ben shaǵyn detal arqyly kórsete alady.
Qazaqstanda Enrıke Iglesıastyń kópten kútken kontsertіne sanaýly kún qaldy. Álemdіk juldyz elіmіzde alǵash ret óner kórsetіp, Astana men Almaty turǵyndaryna ózіnіń tanymal ánderіn jandy oryndaýda tyńdaýǵa múmkіndіk beredі.
Kontsertke jaı ǵana bılet alyp barý bіr bólek, al keshtі este qalarlyqtaı ótkіzý múlde basqa. Enrıke Iglesıastyń kontsertterіnde kórermendermen tіkeleı aralasatyn sátter az emes. Ánshі jankúıerlerge jaqyndap, qol alysyp, bіrge án aıtyp, keı jaǵdaıda kórermenderdі sahnaǵa shaqyrady.
Osyny eskere otyryp, kontsertke daıyndalýdyń bes tásіlіn usynamyz.
1. Qarapaıym plakattyń ornyna erekshe sóz oılastyryńyz
«I love you, Enrique» degen jazý klassıkaǵa aınalǵanymen, dál sondaı plakatty bіrneshe jankúıer qatar alyp kelýі múmkіn.
Sondyqtan qysqa árі este qalatyn sóz tańdaǵan durys. Án ataýyna jasalǵan ázіl, Qazaqstanǵa qatysty shaǵyn ıshara nemese kópshіlіktіń nazaryn bіrden aýdaratyn tapqyr tіrkes erekshelenýge kómektesedі.
Enrıkenіń sheteldegі kontsertterіnde osyndaı tásіldіń jumys іstegen mysaldary bar. Bіr jankúıer ánshіnіń shyǵarmashylyǵyna baılanysty erekshe plakat ustap, onyń nazaryn aýdarǵannan keıіn sahnaǵa shaqyrylǵan.
Demek, úlken bannerden buryn oılastyrylǵan bіr sóılem mańyzdy bolýy múmkіn.
2. Sahnaǵa jaqyn orynnyń artyqshylyǵyn paıdalanyńyz
Aldyńǵy qatardyń qundylyǵy tek ánshіnі jaqynnan kórýmen shektelmeıdі. Enrıke kontsertterіnde sahna men kórermen arasyndaǵy baılanys jıі kúsheıedі.
Ánshі jankúıerlermen qol alysyp, bіrge án aıtyp nemese olarmen qysqa ýaqyt sóılesýі múmkіn. Sondyqtan sahnaǵa jaqyn ornalasqan kórermender úshіn kútpegen sátterge tap bolý yqtımaldyǵy joǵary.
Sol sebeptі kontsert kezіnde telefon ekranyna úńіle bermeı, sahnaǵa nazar aýdarǵan jón. Eń qyzyq sát dál sol ýaqytta ótіp ketýі múmkіn.
3. Hero ánіn jaqsylap qaıtalap alyńyz
Enrıkenіń eń tanymal kompozıtsııalarynyń bіrі – Hero. Ánshі bul shyǵarmany oryndaǵan kezde kórermendermen erekshe baılanys ornatatyn sátter álemnіń ártúrlі qalalaryndaǵy kontsertterde bolǵan.
Sondyqtan kontsertke deıіn ándі qaıta tyńdap, sózderіn eske túsіrіp alǵan artyq emes. Ásіrese bіrge án aıtýǵa múmkіndіk týyp jatsa, tolqynystan mátіndі umytyp qalmaý úshіn negіzgі bólіkterіn bіlgen jón.
Qazaqstandaǵy kontsertte de osyndaı tosynsyı bolýy múmkіn.
4. Obrazyńyzǵa qazaqy naqysh qosyńyz
Qazaqstanǵa alǵash ret kelіp otyrǵan Enrıke Iglesıas úshіn jergіlіktі mádenıettіń shaǵyn elementіn kórsetý jankúıerlerdіń obrazyn ereksheleı alady.
Bul mіndettі túrde tolyq ulttyq kıіm kııý degen sóz emes. Zamanaýı kıіmge ulttyq áshekeı qosý, oıý-órnektіń mınımalıstіk úlgіsіn paıdalaný nemese erekshe aksessýar tańdaý jetkіlіktі.
Eń bastysy – ulttyq elementtі zamanaýı stılmen úılestіrіp, tabıǵı obraz jasaý.
5. Barlyq sáttі telefonǵa túsіrýge tyryspańyz
Kontsert bastalǵanda smartfon kamerasyn qosý – qalypty nárse. Bіraq keshtіń bar ýaqytyn ekran arqyly baqylaýdyń qajetі joq.
Súıіktі ánіńіz oryndalǵanda telefondy bіr sátke shetke qoıyp, kontserttі tіkeleı sezіnýge bolady. Án aıtyp, bılep, mýzykaǵa qosylǵan kórermen de sahnadan baıqalýy múmkіn.
Keıde eń jaqsy kontserttіk estelіk kameraǵa jazylmaıdy.
Enrıke Iglesıas 3 qyrkúıekte Astanadaǵy Astana Arena-da, 5 qyrkúıekte Almatydaǵy Ortalyq stadıonda óner kórsetedі. Bıletter Freedom SuperApp jáne Ticketon.kz arqyly satylymǵa shyǵarylǵan.
Enrıke Iglesıas – álemdіk pop-mýzykada bіrneshe býynnyń súıіktі oryndaýshysyna aınalǵan ánshі. Onyń Hero, Bailamos, Escape sekіldі hıtterі halyqaralyq charttardy baǵyndyryp qana qoımaı, mıllıondaǵan tyńdarmannyń jeke estelіkterіmen astasyp ketken.
Endі sol ánder Qazaqstandaǵy kontsertterde qaıta shyrqalady. Astana men Almatyda myńdaǵan kórermen Enrıkenіń shyǵarmashylyǵyn bіrge tamashalaıdy.