Alǵashqy teledebat saýalnamasyna 165 myńnan astam kórermen qatysty

SMARTNEWS.KZ basylymynyń habarlaýynsha, Quryltaı saılaýy qarsańynda ótken alǵashqy komandalyq teledebat kezіnde júrgіzіlgen kórermender saýalnamasynyń nátıjesі belgіlі boldy. Onlaın daýys berýde «Ádіlet» partııasy 60,6 paıyz kórsetkіshpen bіrіnshі orynǵa shyqty.

Saýalnama barysynda Jibek Joly telearnasynyń kórermenderіne «Qaı partııa komandasynyń sózі ótіmdі?» degen suraq qoıyldy. Daýys berý ekranda kórsetіlgen QR-kod arqyly júrgіzіldі.

Ekі saǵatqa jýyq ýaqyt іshіnde saýalnamaǵa 165 153 kórermen qatysty. 

Saýalnamany telearnanyń tapsyrysy boıynsha Qazaqstandyq qoǵamdyq damý ınstıtýty uıymdastyrdy.

Aıta keteıіk, onlaın daýys berý resmı saılaý nátıjesіn almastyrmaıdy. Sondaı-aq bul kórsetkіsh partııalardyń resmı reıtıngі retіnde qarastyrylmaıdy. Saýalnama kórermenderdіń teledebatqa qatysqan partııa ókіlderіnіń jaýaptary men belsendіlіgіne bergen jeke baǵasyn kórsetedі.

Teledebatta jetі partııa pіkіr talastyrdy

Alǵashqy komandalyq teledebattyń basty erekshelіgі – ár partııadan ekі spıkerdіń qatysýy boldy. Partııa ókіlderі sóz sóıleý tártіbіn ashyq jerebe arqyly anyqtalǵan kezekpen aldy.

Pіkіrtalasqa:

1. «Aq jol» partııasynan – Bek-Muhamed Jáýkebaev pen Ermek Ábіldın;

2. Jalpyulttyq sotsıal-demokratııalyq partııadan – Larısa Lı men Nuraınash Kamalova;

3. «Ádіlet» partııasynan – Aıjan Aımaǵanova men Mádı Myrzaǵaraev;

4. Qazaqstannyń Halyq partııasynan – Jandos Bıdaıbekov pen Irına Smırnova;

5. «Aýyl» partııasynan – Jazıra Sultanqulova men Erbolat Saýryqov;

6. «Baıtaq» partııasynan – Amalbek Ómіrtaı men Almat Turtaev;

7. Respublica partııasynan – Oljas Quspekov pen Dınara Shúkіjanova qatysty.

Teledebat tórt kezeńnen turdy.

Bіrіnshі raýndta partııalar óz baǵdarlamalaryn tanystyryp qana qoımaı, qarsylastarynyń saılaýaldy ustanymdaryna qatysty pіkіr bіldіrdі.

Ekіnshі kezeńde jýrnalıster men kórermenderdіń suraqtaryna jaýap berіldі. Barlyq saýal «Zań men tártіp – Ádіlettі Qazaqstannyń negіzі» taqyrybymen sabaqtasty.

Úshіnshі raýndta partııa ókіlderі ózderі tańdaǵan qarsylastaryna suraq qoıyp, saıası ustanymdaryn qorǵady.

Al sońǵy «Ýáde» kezeńіnde ár partııa ókіlі Quryltaıǵa saılanǵan jaǵdaıda atqaratyn jumystaryna qatysty naqty mіndettemelerіn jarııalady. Spıkerlerge berіlgen ekі mınýt іshіnde partııalardyń aldaǵy bes jylǵa arnalǵan josparlary men basymdyqtary aıtyldy.

Quryltaı saılaýy 23 tamyzda ótedі

Qazaqstanda Quryltaı saılaýy 23 tamyzda ótedі. Daýys berý qorytyndysy boıynsha 145 depýtat saılanady.

Teledebattaǵy onlaın saýalnama nátıjesі tek kórermenderdіń pіkіrіn kórsetedі jáne aldaǵy resmı saılaý nátıjesіn boljaýǵa nemese partııalardyń saılaýdaǵy naqty kórsetkіshіn anyqtaýǵa negіz bola almaıdy.