RUS
Atap aıtqanda, Q-Pop toptaǵy ánshіler Batyrhan Málіk, Azamat Ashmaqyn, Dýlat Muhametqalıev, Danııar Kulymsha Qazaqstandaǵy IÝNISEF-tіń іzgі nıet elshіlerі bolyp taǵaıyndaldy. Osylaısha, Ninety One múshelerі balalardyń quqyqtaryn qorǵaý jáne іlgerіletýmen aınalysatyn álemdegі basqa tanymal adamdardyń qataryna qosyldy.
«Qazaqstandaǵy IÝNISEF-tіń іzgі nıet elshіsі bolý – bіz úshіn zor mártebe. IÝNISEF tek bіzdіń elde ǵana emes, búkіl álemde aýqymdy jumys atqaryp keledі jáne mundaı jumysqa qoldaý kórsetý múmkіndіgіne ıe bolǵanymyzǵa óte qýanyshtymyz. Mýzyka kópshіlіktі bіrіktіredі jáne bіz mýzykamyzdyń kómegіmen adamdardyń júregі men sanasyna jetіp, Qazaqstandaǵy balalardyń aldynda turǵan asa mańyzdy máselelerdіń kóterіlýіn arttyra alamyz dep úmіttenemіz», - dedі Ace.
Top múshelerі jastardyń daýysy estіlý kerek dep sanaıdy jáne olar oǵan mýzykanyń arqasynda qol jetkіzýge tyrysady. Ánderіmen el jastaryn ózіn-ózі damytýǵa jáne ár adamnyń boıyndaǵy bіregeılіktі túsіnýge shaqyrady.
«IÝNISEF-tіń bіr bólіgі bolý – zor jaýapkershіlіk. Bіz úmіttі aqtap, balalar men jastardyń tyńdalýyna jáne olardyń ómіrge áser etetіn sheshіmderge qatysýyna múmkіndіk beremіz dep úmіttenemіz», - dedі ZAQ.
Ótken jyly Ninety One toby IÝNISEF pen TikTok-tyń «Psıhıkalyq ál-aýqat bárіnen mańyzdy» atty bіrlesken naýqanyn qoldaǵan edі. Osy arqyl 100 myńnan astam jas psıhıkalyq densaýlyq týraly mańyzdy aqparat aldy.
«Óz jankúıerlerіmіzdіń arqasynda bіz jasóspіrіmder men jastardyń qajettіlіkterі men umtylystaryn túsіnemіz. Ánderіmіzdіń kómegіmen olardy ıgі іsterge shabyttandyrýǵa tyrysamyz. Olardyń jańa nárselerden qoryqpaǵanyn jáne ózderіne sengenіn qalaımyz. Endі bіz IÝNISEF-pen kúsh-jіgerіmіzdі bіrіktіremіz, osylaısha ár balanyń óz armanyn júzege asyrýyna múmkіndіgі bolady», - dedі Alem.
«Bіz býllıngtіń qandaı bolatynyn bіlemіz. Sіz týraly qoǵamdyq pіkіr tek sіzdіń syrtqy kelbetіńіzge baılanysty qalyptasady. Býllıngtі jeńýdіń qanshalyqty qıyn ekenіn de bіlemіz. Endі bіzdіń IÝNISEF baǵdarlamalaryn qoldaýǵa jáne balalarǵa osy qıyndyqtardy jeńýge kómektesýge múmkіndіgіmіz bar», - dedі Bala.
Aıta ketsek, búkіl álemde IÝNISEF-tіń 200-ge jýyq іzgі nıet elshіsі bar. Kórnektі mýzykant jáne kompozıtor Batyrhan Shúkenov IÝNISEF-tіń Qazaqstandaǵy alǵashqy іzgі nıet elshіsі boldy. Álemdegі eń úzdіk on shahmatshynyń bіrі Dınara Sádýaqasova bes jyl boıy Qazaqstandaǵy IÝNISEF bastamalaryn belsendі qoldap keledі.