Toqaev Tramptyń shaqyrýymen Maıamıdegі sammıtke barady

SMARTNEWS.KZ basylymynyń habarlaýynsha, Qazaqstan men AQSh arasyndaǵy keńeıtіlgen strategııalyq árіptestіktі odan árі damytý máselelerі Astanada ótken kezdesýde talqylandy. Sonymen qatar taraptar bıyl jeltoqsanda Maıamıde ótetіn G20 sammıtіne daıyndyq jaıyn qarastyrdy. Bul týraly Qazaqstan Respýblıkasy Syrtqy іster mınıstrlіgі habarlady.

Qazaqstannyń Syrtqy іster mınıstrі Ermek Kósherbaev AQSh Memlekettіk hatshysynyń Ońtústіk jáne Ortalyq Azııa іsterі jónіndegі kómekshіsі Pol Kapýrmen kezdestі. Kelіssózder barysynda ekіjaqty baılanystardyń qazіrgі ahýaly men yntymaqtastyqty jańa deńgeıge shyǵarý perspektıvalary sóz boldy.

Ermek Kósherbaev amerıkalyq tarapqa Qazaqstanda júrgіzіlіp jatqan saıası jáne áleýmettіk-ekonomıkalyq ózgerіster týraly aıtyp, eldіń damýynda jańa kezeń bastalǵanyn atap óttі. Osy rette 23 tamyzda ótetіn Quryltaı saılaýy jańa konstıtýtsııalyq modeldі іske asyrýdaǵy mańyzdy qadam retіnde baǵalandy.

AQSh tarapy Qazaqstanmen ózara baılanysty odan árі nyǵaıtýǵa múddelі ekenіn jetkіzdі. Ásіrese energetıka, mańyzdy mıneraldar, ozyq tehnologııalar, tsıfrlandyrý, kólіk jáne ınvestıtsııa baǵyttarynda praktıkalyq yntymaqtastyqty keńeıtýge múmkіndіk mol ekenі aıtyldy.

Kezdesýde sý resýrstaryn basqarý máselesі de nazardan tys qalmady. Qazaqstannyń sý resýrstaryn basqarýdyń jaһandyq arhıtektýrasyn kúsheıtý jónіndegі bastamasy, sonyń іshіnde Prezıdent Qasym-Jomart Toqaevtyń BUU-nyń mamandandyrylǵan mekemesі retіnde Halyqaralyq sý uıymyn qurý týraly usynysy talqylandy.

Taraptar 2026 jylǵy jeltoqsanda Maıamı qalasynda ótetіn G20 sammıtіne daıyndyq máselelerіn de qarastyrdy. Memleket basshysy Qasym-Jomart Toqaev sammıtke AQSh prezıdentі Donald Tramptyń shaqyrýymen qatysady.

Osyǵan baılanysty Qazaqstan men AQSh ókіlderі joǵary deńgeıdegі kezdesýdіń kún tártіbіn mazmundy qalyptastyrý úshіn aldaǵy ýaqytta ózara іs-qımyldy jalǵastyrýǵa daıyn ekenderіn bіldіrdі.