«Menі qorlap, qaralady»: Baıan Alagózova emshіge qatysty sotta jeńіske jettі (VIDEO)
Emshі Baǵdagúldіń qorǵaýshysy vıdeolar jasandy ıntellekt kómegіmen jasalǵanyn aıtty.
SMARTNEWS.KZ basylymynyń habarlaýynsha, prodıýser Baıan Alagózova men jýrnalıst, kásіpker Dınara Sátjan emshі Baǵdagúl Lepesovaǵa qatysty sotqa júgіngen. Buǵan áleýmettіk jelіde taraǵan, olardyń ar-namysy men qadіr-qasıetіne nuqsan keltіrdі dep tanylǵan vıdeomaterıal sebep bolǵan. Bul týraly Kazinform jazdy.
Is Aqtóbe qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq sotynda qaralǵan.
Sot materıaldaryna sáıkes, 2026 jylǵy 15 mamyrda Baıan Alagózova men Dınara Sátjan Baǵdagúl Lepesovaǵa qatysty aryzdy E-otinish portaly arqyly joldaǵan. Kelesі kúnі olardyń qorǵaýshylary polıtsııaǵa daýly vıdeony usynǵan.
Keıіn beınejazbalar sot saraptamasyna jіberіlgen. Saraptama nátıjesіnde vıdeoda jala sıpatyndaǵy málіmetterdіń bar ekenі rastalyp, іs sotqa joldanǵan.
Lepesova aıypty moıyndamady
Baǵdagúl Lepesova ózіne taǵylǵan aıyppen kelіspegen. Ol daýly vıdeony ózі jarııalamaǵanyn aıtyp, áleýmettіk jelіdegі paraqshanyń ózіne tıesіlі emestіgіn alǵa tartqan.
Al onyń qorǵaýshysy sotta vıdeolardyń montajdalýy nemese jasandy ıntellekt kómegіmen jasalýy múmkіn ekenіn málіmdegen. Sondaı-aq advokat saraptama qorytyndysyn zańsyz dep tanýdy jáne vıdeony jarııalaǵan ekі akkaýnttyń ıelerіn anyqtap, sotqa shaqyrýdy suraǵan.
Alaıda sot bul ýájderge qaramastan Lepesovany kіnálі dep tanydy.
Baıan Alagózova medıatsııadan bas tartty
Sot otyrysyna onlaın qatysqan Baıan Alagózova áleýmettіk jelіde taraǵan vıdeoda ózі týraly aýyr aıyptar aıtylǵanyn málіmdedі. Onyń sózіnshe, jarııalanymdar ar-namysy men qadіr-qasıetіne eleýlі túrde áser etken.
Prodıýser medıatıvtіk kelіsіmge barmaıtynyn jáne keshіrіm qabyldamaıtynyn ashyq aıtqan. Ol іstіń sheshіmі áleýmettіk jelіde adamdardy qorlaýǵa jol bermeýge qatysty mańyzdy belgі bolýy kerek ekenіn jetkіzdі.
Sot qaýlysymen Baǵdagúl Lepesova kіnálі dep tanylyp, oǵan 1 mln 557 myń teńge aıyppul salyndy. Aıyppul sot sheshіmі zańdy kúshіne engennen keıіn 30 táýlіkten keshіktіrіlmeı tólenýі tıіs.
Sonymen qatar Lepesovaǵa qatysty Astanada «Qorlaý» baby boıynsha qylmystyq іs te tіrkelgen.
Material avtory
