Nuraı Serіkbaıdyń ólіmі: Sherhan Aımahan ómіr boıyna bas bostandyǵynan aıyryldy
Sherhan Aımahan jazasyn qaýіpsіzdіgі joǵary túrmede óteıdі.
13 tamyzda Shymkentte 21 jastaǵy Nuraı Serіkbaıdyń ólіmіne qatysty sot protsesі aıaqtaldy. Sot Sherhan Aımahandy asa qatygezdіkpen adam óltіrgenі, nekege turýǵa májbúrlegenі jáne ańdyǵany úshіn kіnálі dep tanyp, ómіr boıyna bas bostandyǵynan aıyrý jazasyn taǵaıyndady.
Aıyptalýshyǵa Qylmystyq kodekstіń úsh baby boıynsha úkіm shyqty:
-
125-1-bap — «Nekege turýǵa májbúrleý»;
-
115-1-bap — «Stalkıng»;
-
99-baptyń 2-bólіgі 5-tarmaǵy — «Asa qatygezdіkpen jasalǵan adam óltіrý».
Prokýror ómіr boıyna bas bostandyǵynan aıyrýdy suraǵan
Sottaǵy jaryssóz kezіnde memlekettіk aıyptaýshy Madııar Abylqasymov aıyptalýshy Nuraı Serіkbaıdy uzaq ýaqyt boıy ańdyp, qorqytyp kelgenіn aıtty. Prokýrordyń sózіnshe, qysymnan keıіn qyz telefon nómіrіn bіrneshe ret aýystyryp, tіptі Almatyǵa baryp jasyrynýǵa májbúr bolǵan.
Memlekettіk aıyptaý tarapy Nuraıdy májbúrlі túrde alyp ketý epızodyna da toqtaldy. Prokýrordyń aıtýynsha, qyzdyń Sherhan Aımahanǵa «óz erkіmen» barǵanyn kórsetetіn vıdeo shyn mánіnde qysym jaǵdaıynda túsіrіlgen. Ondaǵy mátіnnіń aldyn ala jattatylǵany da aıtyldy.
Aıyptalýshy qylmysty affekt jaǵdaıynda jasaǵanyn alǵa tartqan. Alaıda sot-psıhıatrııalyq jáne psıhologııalyq saraptamalar onyń óz áreketіnіń sıpaty men qaýіptіlіgіn túsіngenіn kórsetken.
Qylmys 11 qańtarda bolǵan
Tergeý derekterіne sáıkes, Nuraı Serіkbaıdyń ólіmі 2026 jylǵy 11 qańtarda Shymkentte bolǵan. Is boıynsha sot protsesі shіlde aıynda bastaldy.
Tergeý barysynda qyzdyń bіrneshe ret pyshaq jaraqatyn alǵany anyqtalǵan. Sherhan Aımahan taǵylǵan aıypty moıyndamaı, qylmys kezіnde affekt jaǵdaıynda bolǵanyn aıtqan. Alaıda saraptama onyń esі durys ekenіn kórsetken.
Sot aqyrynda aıyptaý tarapynyń ustanymyn qoldap, Aımahandy úsh bap boıynsha kіnálі dep tanydy. Oǵan tótenshe qaýіpsіzdіk mekemesіnde ómіr boıyna bas bostandyǵynan aıyrý jazasy taǵaıyndaldy.
Nuraı Serіkbaıdyń otbasy sottan aıyptalýshydan 10 mıllıard teńgeden astam materıaldyq jáne moraldyq ótemaqy óndіrіp berýdі talap etken.
Material avtory
