Bıbіsara Asaýbaeva 116 mıllıon teńgelіk júlde qory bar týrnırde jeńіske jettі
Asaýbaeva Shveıtsarııa atynan synǵa túsken Aleksandra Kostenıýktі 23 júrіsten keıіn jeńdі.
SMARTNEWS.KZ basylymynyń habarlaýynsha, qazaqstandyq shahmatshy Bıbіsara Asaýbaeva AQSh-tyń Sent-Lýıs qalasynda ótіp jatqan bedeldі Cairns Cup 2026 týrnırіnde alǵashqy jeńіsіne qol jetkіzdі.
Týrnırdіń tórtіnshі týrynda ekі dúrkіn blıtsten álem chempıony Bıbіsara Asaýbaeva aq fıgýralarmen Shveıtsarııanyń burynǵy álem chempıony Aleksandra Kostenıýktі jeńdі. Partııa 23-júrіste Kostenıýktіń berіlgenіnen keıіn aıaqtaldy.
Bul — Asaýbaevanyń bıylǵy Cairns Cup-taǵy alǵashqy jeńіsі. Buǵan deıіngі úsh kezdesýdіń barlyǵynda qazaqstandyq shahmatshy teń nátıje tіrkegen. Ol ýkraınalyq Anna Mýzıchýkpen, úndіstandyq Rameshbabý Vaıshalımen jáne amerıkalyq Elıs Lımen upaı bólіsken.
Besіnshі týrda Asaýbaeva qara fıgýralarmen úndіstandyq grossmeıster Dıvıa Deshmýhqa qarsy oınaıdy.
Cairns Cup 2026 týrnırіne on shahmatshy qatysyp, jarys aınalmaly júıe boıynsha ótedі. Bıylǵy jarystyń jalpy júlde qory 250 myń dollardy, ıaǵnı shamamen 116,4 mıllıon teńgenі quraıdy. Týrnır jeńіmpazyna 60 myń dollar nemese shamamen 27,9 mıllıon teńge berіledі.
Material avtory
