«Ár sózіńe jaýap beresіń»: Dınara Sátjan Baǵdagúlge qatysty sot týraly aıtty

SMARTNEWS.KZ basylymynyń habarlaýynsha, telejúrgіzýshі Dınara Sátjan áleýmettіk jelіde ózіne jáne basqa da tanymal adamdarǵa qatysty aıtylǵan aýyr aıyptaýlardan keıіn ótken sot protsesі týraly pіkіr bіldіrdі. Onyń aıtýynsha, ol daý-damaıdy áleýmettіk jelіde jalǵastyrmaı, máselenі zań aıasynda sheshýge tyrysqan.

Dınara Sátjan bul týraly Instagram paraqshasyndaǵy jazbasynda aıtty.

Onyń sózіnshe, bіrneshe aı buryn emshі Baǵdagúl Baıanǵa, ózіne jáne bіrqatar tanymal tulǵaǵa qatysty bylapyt sózder aıtyp, aýyr aıyptaýlar jasaǵan. Sátjan olardyń áleýmettіk jelіde jaýap qaıtarmaı, sotqa júgіngenіn jazdy.

Telejúrgіzýshіnіń málіmetіnshe, keshe Baıan ekeýі sotta jeńіske jetken. Sot Baǵdagúlge 1,5 mıllıon teńge aıyppul salǵan. Bul qarajat jábіrlenýshіlerge emes, memleketke tólenedі.

Sátjannyń aıtýynsha, eger mundaı áreket qaıtalansa, zań boıynsha ákіmshіlіk qamaýǵa alý jazasy da qoldanylýy múmkіn.

Telejúrgіzýshі óz jazbasynda sóz bostandyǵy máselesіne de toqtaldy. Ol adamnyń erkіn pіkіr bіldіrý quqyǵy ózgelerdіń ar-namysy men abyroıyna nuqsan keltіretіn kez kelgen sózdі aıtýǵa múmkіndіk bermeıtіnіn atap óttі.

«Sóz bostandyǵy – aýzyńa kelgendі aıtý emes! Sóz bostandyǵy – óz sózіńe jaýapkershіlіk ala bіlý», – dep jazdy Dınara Sátjan.

Ol іs boıynsha advokaty Rena Kerımovaǵa kásіbılіgі men sabyrlylyǵy úshіn alǵys bіldіrdі. Sondaı-aq Aktóbedegі sýdıanyń sot protsesіn kásіbı árі júıelі ótkіzgenіn atap óttі.

Dınara Sátjan alda taǵy bіr sot otyrysy bar ekenіn habarlady. Onyń aıtýynsha, kelesі protsess qorlaý faktіsіne qatysty ótedі.

Telejúrgіzýshі jazbasyn qazaqtyń «Óz úıіm deme, úı artynda kіsі bar» degen maqalymen túıіndep, áleýmettіk jelіdegі jeke paraqsha men efır adamnyń zań aldyndaǵy jaýapkershіlіgіn joqqa shyǵarmaıtynyn eskerttі.