Taldyqorǵanda stýdentterdі qaryzǵa batyrdy degen aıyppen jataqhana komendanty sottalyp jatyr

Málіm etіlgendeı, 42 jastaǵy aıyptalýshy stýdentterge zattaı da, aqshalaı da nesıe aldyrtqan. Is boıynsha 16 adam qaryzǵa belshesіnen batqan. Olarǵa óz attaryna qymbat uıaly telefondar, mıkroqarjy uıymdarynan aqsha rásіmdetkіzgen. Jábіrlenýshіler arasynda tek stýdentter ǵana emes, jataqhananyń eden jýýshysy, santehnık syndy qarapaıym jumysshylary da bar.

Sottalýshy Taldyqorǵandaǵy Ilııas Jansúgіrov atyndaǵy Jetіsý ýnıversıtetіnіń jataqhanasynda jumys іstegen. Oǵan «Alaıaqtyq» baby boıynsha aıyp taǵylyp otyr. Búgіn alǵashqy protsess Taldyqorǵan sotynda bastaldy. Prokýror aıyptaý aktіsіn jarty saǵattan asa oqydy. Sotqa qatysýshy stýdentter túsіrіlіm jasaýǵa qarsylyq bіldіrdі.