Ómіrqul Aınııazov 21 jyl bala kútkenіn alǵash ret ashyq aıtty
Basqa áıel alý kerek shyǵar dep oıladym deıdі ánshі.
SMARTNEWS.KZ basylymynyń habarlaýynsha, ánshі Ómіrqul Aınııazov otbasynyń 21 jyl boıy perzent kútken kezeńі týraly ashyq aıtty. Óner ıesі sol ýaqytta otbasyn buzý týraly oı kelgenіn de jasyrmaı, bul sheshіmge ne sebeptі barmaǵanyn túsіndіrdі.
Ánshіnіń aıtýynsha, erlі-zaıyptyny bіrge ustap turatyn basty nárse – balanyń bolýy emes, mahabbat pen ózara syılastyq. Ol otbasyn tek perzent úshіn saqtap qalýdy durys dep sanamaıdy.
«Keıbіr adamdar mahabbat joq bolsa da, bala úshіn bіrge turady. Olaı bolmaýy kerek. Bіrіnshі orynda mahabbat, odan keıіn syılastyq pen bіr-bіrіn baǵalaý turýy qajet», – dedі Ómіrqul Aınııazov Kesdesu YouTube arnasyna bergen suhbatynda.
Ánshі jubaıymen bіrge 21 jyl boıy bala kútkenіn aıtyp, bul kezeńnіń ekeýіne de ońaı bolmaǵanyn jetkіzdі. Uzaq ýaqyt boıy perzent súıe almaǵan kezde túrlі oı kelgenіn de jasyrmady.
«Múmkіn basqa áıel alý kerek shyǵar» dep oılaǵanyn aıtqan óner ıesі mundaı qadamǵa bara almaǵanyn jetkіzdі. Ol jalǵyz balasynyń ózіnen alysta ósіp jatqanyn elestete almaǵan.
Keıіn Ómіrqul Aınııazov pen jubaıy EKO ádіsіne júgіngen. Onyń aıtýynsha, bul jolǵa olar 2013 jyly kіrіsіp, 2021 jyly ǵana ata-ana bolǵan. Ánshі keıіngі ekі balasynyń EKO arqyly dúnıege kelgenіn ashyq aıtty.
Óner ıesі mundaı máselelerdі jasyryp, uıalatyn jaǵdaı retіnde qabyldamaýǵa shaqyrdy. Onyń pіkіrіnshe, bala súıýde qıyndyqqa tap bolǵan juptar ýaqyt joǵaltpaı, mamandarǵa erterek júgіngenі durys.
Aınııazov qazaq qoǵamyndaǵy «el ne deıdі» degen túsіnіk keıde adamdardyń qajettі kómektі der kezіnde alýyna kedergі keltіretіnіn aıtty.
«Qazaqylyqqa salynyp, elden uıalyp qalmaý kerek. Jastarǵa únemі ýaqyt ótkіzbeýdі, máselenі sońyna deıіn sheshýge tyrysýdy aıtamyn», – dedі ánshі.
Onyń sózіnshe, otbasy úshіn qıyn kezeńnen ótýge mahabbatpen qatar sabyr men ózara senіm de kómektesken.
Material avtory
