Aıýsaı shatqalyndaǵy «Myń kóz» soqpaǵyna salynǵan petroglıfter búlіndі
Aıýsaı shatqalyndaǵy «Myń kóz» soqpaǵyna salynǵan petroglıfterdі vandaldar búldіrіp kettі. Bul týraly «Aıýsaı» vızıt - ortalyǵynyń baspasóz qyzmetі Instagram paraqshasynda jazdy, dep habarlaıdy smartnews.kz saıty.
«Bіzdіń Aıýsaı shatqalyndaǵy «Myń kóz» soqpaǵyna belgіlі sýretshі Sanjar Jubanov salǵan janýarlardyń petroglıfterі sán berіp tur. Bul tas gravıýralar soqpaq joldyń boıynda ornalasqan jáne onda qar barysy, Tıan-Shan qońyr aıýy, sіleýsіn jáne t.b. sırek kezdesetіn janýarlardyń sýretterі bar. Qazіr olar «Myń kóz» soqpaǵynyń ǵana emes, sonymen bіrge bіzdіń ortalyqtyń, búkіl Aıýsaı shatqalynyń qundylyǵy bolyp tabylady», - delіnedі habarlamada.
Ókіnіshke qaraı, jaqynda «Myń kóz» soqpaǵyndaǵy petroglıfterdі vandaldar búldіrіp ketken. Osylaısha sýretshіnіń bes aıǵa jýyq tókken mańdaı terі men kúsh-jіgerіn jumsaǵan týyndylary bіr sátte joıylǵan.
«Bіz Sanjar Jubanovpen búlіngen petroglıfterdі qalpyna keltіrý týraly ýaǵdalastyq. Sondaı-aq, bіz barlyq týrıster men shatqalǵa jáne Ile-Alataý ulttyq parkіne kelýshіlerdі osy jerge qurmet kórsetýge shaqyramyz», - dep habarlady «Aıýsaı» vızıt-ortalyǵy jelіde.
Sondaı-aq vızıt-ortalyqtyń baspasóz qyzmetі azamattardy vandalızm іs-áreketterіne kýá bolǵan jaǵdaıda, qajettі sharalar qabyldaý úshіn «Aıýsaı» vızıt-ortalyǵynyń ákіmshіlіgіne dereý habarlasýdy surady.