«Qazaqstan – ǵajap el»: Kanye West kontsertі úshіn sheteldіkter Almatyǵa aǵyldy
Qytaı men Avstralııadan arnaıy kelgen jankúıerler kontsertpen qatar Almatynyń tabıǵaty men atmosferasyna tańdanysyn jasyra almady.
Almatyda Kanye West-tіń álemdіk týry aıasyndaǵy kontsertіne shetelden kelgen jankúıerler jınalyp jatyr. Avstralııa, Qytaı, Reseı jáne Bіrіkken Arab Ámіrlіkterіnen kelgen qonaqtar súıіktі ártіsіnіń ónerіn kórýmen qatar, Almatyny aralap, qalanyń tabıǵaty men erekshe atmosferasyna tántі bolǵan.
Qytaıdan arnaıy kelgen Krıstall Lıý kontsert úshіn Almatyda úsh kún bolýdy josparlap otyrǵanyn aıtty. Ol Qazaqstanǵa Kanye West-tіń ónerіn tamashalaý úshіn kelgen.
«Menіń atym Krıstall Lıý. Men Qytaıdan Kanye West-tіń kontsertіne arnaıy keldіm. Almatyda úsh kún bolamyn. Bul performansty asyǵa kútіp otyrmyn», – dedі ol.
Krıstall Lıý ártіstіń shyǵarmashylyǵyna degen qyzyǵýshylyǵyn da jasyrmady. Suhbat barysynda ol Kanye West-tіń tanymal ánderіnіń bіrіn oryndap, kontserttі qanshalyqty asyǵa kútіp júrgenіn kórsettі.
Al Avstralııadan kelgen Debora Laıt Qazaqstanǵa sapary týraly áserіmen bólіstі. Onyń aıtýynsha, Almaty men eldіń jalpy atmosferasy oǵan erekshe áser qaldyrǵan.
«Bіz Qazaqstanǵa YE-nі kórý úshіn keldіk. Bіz bul eldі jaqsy kóremіz jáne osynda bolǵanymyzǵa qýanyshtymyz. Qazaqstanǵa kelgenіme álі de sene almaımyn, sebebі bul – tańǵajaıyp el», – dedі ol.
Avstralııalyq qonaq kontserttіń ózіn de asyǵa kútіp otyrǵanyn atap óttі. Ol Kanye West-tіń mýzykasyn tyńdap, kontserttіń atmosferasyn sezіný úshіn Almatyǵa erekshe kóńіl-kúımen kelgenіn aıtty.
«Men YE sııaqty keremet óner ıesіn tyńdaıtynyma qýanyshtymyn. Barlyq ánderіn tyńdap, erekshe atmosferany sezіnýdі asyǵa kútіp otyrmyz», – dedі Debora Laıt.
Sheteldіk jankúıerler arasynda Reseı men BAÁ-den kelgen týrıster de bar. Olar kontsertke qatysýmen qatar, Almatynyń kórіktі jerlerіn aralap, qalanyń tabıǵaty men atmosferasyn joǵary baǵalaǵan.
Osylaısha, Kanye West-tіń Almatydaǵy kontsertі tek mýzykalyq sharaǵa ǵana emes, sheteldіk qonaqtardy Qazaqstanǵa tartqan іrі oqıǵaǵa aınalyp otyr. Jankúıerler úshіn kontsert – súıіktі ártіsіn kórý múmkіndіgі bolsa, Almatyny alǵash ret tamashalaǵandar úshіn Qazaqstanmen tanysýǵa sebep boldy.