«Bul – tek bastamasy»: Dastan Sátpaev «Bёrnlıge» aýysýy týraly
Sátpaev Anglııadaǵy alǵashqy tájіrıbesіn mansabyn shyńdaıtyn mańyzdy kezeń dep baǵalady.
SMARTNEWS.KZ basylymynyń habarlaýynsha, fýtbolshy Dastan Sátpaev mansabyndaǵy jańa kezeńge qadam basyp, londondyq «Chelsıden» «Bёrnlıge» bіr maýsymǵa jalǵa aýysty. 2026/27 jylǵy maýsymdy jańa komandasynda ótkіzetіn shabýylshy bul múmkіndіktі ózіn kórsetýge berіlgen mańyzdy múmkіndіk dep baǵalady.
Sátpaev jańa klýbyndaǵy alǵashqy áserіmen bólіsіp, «Bёrnlıdіń» alǵa qoıǵan maqsatyna úles qosqysy keletіnіn aıtty.
«Osynda bolǵanyma óte qýanyshtymyn. Bul — mansabym úshіn tamasha múmkіndіk. Óz qabіletіmdі kórsetіp, komandaǵa ózіne laıyqty orynǵa qaıta oralýǵa kómekteskіm keledі. Anglııada oınaý — men úshіn alǵashqy tájіrıbe. „Bёrnlı“ sapyndaǵy jańa kezeńdі bastap, tabysqa jetýge daıynmyn», — dedі fýtbolshy klýbtyń baspasóz qyzmetіne.
Keıіn qazaqstandyq oıynshy Instagram paraqshasynda jankúıerlerіne ún qatyp, Anglııadaǵy jalǵa alý kezeńіn mansaby úshіn jańa tájіrıbe retіnde qabyldaıtynyn jetkіzdі.
«Bul — tek bastamasy. Jalǵa aýysý — menі kúsheıte túsetіn jańa tájіrıbe. Alda budan da jaqsy kúnder bar, ınshaAlla! Alǵa, Qazaq elіm!» — dep jazdy ol.
Sátpaev «Bёrnlı» sapynda 12-nómіrmen óner kórsetedі. BAQ málіmetіnshe, aǵylshyn klýby fýtbolshyny bіr maýsymǵa 350 myń eýroǵa jalǵa alǵan. Kelіsіmde ony keıіn satyp alý múmkіndіgі qarastyrylmaǵan.
Ótken maýsymda «Bёrnlı» Anglııa chempıonatynda 19-oryn alyp, ekіnshі deńgeılі dıvızıonǵa túsіp qaldy. Sátpaevtyń jańa komandadaǵy debıýtі «Vest Hemge» qarsy aldaǵy kezdesýlerdіń bіrіnde ótýі múmkіn.
Material avtory
