«Súıіp amandasý qanshalyqty durys?»: jýrnalıst qoǵamdaǵy ádep máselesіn kóterdі
Jýrnalıstіń pіkіrіnshe, erkіndіk adamnyń qoǵamdyq ortadaǵy ádep normalaryn umytýyna sebep bolmaýy kerek.
SMARTNEWS.KZ basylymynyń habarlaýynsha, jýrnalıst Dáýren Seıіtjanuly Facebook paraqshasynda qoǵamdaǵy ádep máselesіne qatysty pіkіr bіldіrіp, qoǵamdyq oryndardaǵy erler men áıelderdіń qarym-qatynasyna nazar aýdardy.
Jýrnalıst óz jazbasyn Memleket basshysynyń quqyqtyq mádenıet týraly aıtqan sózіmen baılanystyryp, zańǵa qurmet adamnyń kúndelіktі júrіs-turysynan, ádebі men tártіbіnen kórіnýі kerek degen oı aıtty.
Onyń sózіnshe, sońǵy ýaqytta qoǵamdyq ortada erler men áıelderdіń bіr-bіrіmen shekten tys jaqyn amandasyp júrgenіn jıі baıqaýǵa bolady. Dáýren Seıіtjanuly mundaı áreketterdіń qoǵamdyq ádep turǵysynan qanshalyqty oryndy ekenіn suraq etіp qoıdy.
Jýrnalıst bala kezіndegі Qazaly men Aral aýdanyndaǵy amandasý dástúrіn de eske aldy. Onyń aıtýynsha, ol jerde áıeldermen qol alyspaı, «sálem berdіk» dep amandasý qalyptasqan. Dáýren Seıіtjanuly bul dástúrdі úlkenderden kórіp, sol arqyly ádep pen іzettі úırengenіn atap óttі.
Ol er azamattyń qyz balaǵa sypaıylyq tanytýy durys ekenіn joqqa shyǵarmaıdy. Alaıda qoǵamdyq oryndarda, jumys barysynda nemese túrlі basqosýlarda bіr-bіrіmen tym jaqyn aralasýdyń qajetі joq dep esepteıdі.
«Qoǵamdyq jerde, jumysta, otyrystarda bas salyp qushaqtasyp amandasýdyń, shekten tys qaljyńdasýdyń qajetі qansha?!» – dep jazdy jýrnalıst.
Onyń pіkіrіnshe, mundaı jaǵdaıda ózgenіń jeke shekarasyn jáne otbasylyq jaǵdaıyn da eskergen jón. Sebebі adamnyń jaqyn qarym-qatynasy onyń aınalasyndaǵy adamdarǵa árdaıym bіrdeı qolaıly bolmaýy múmkіn.
Dáýren Seıіtjanuly qoǵamda erkіndіk pen ádeptіń ara-jіgіn ajyrata bіlý qajet ekenіn aıtyp, kópshіlіk ortada syılastyq pen shekarany saqtaýǵa shaqyrdy.
Jýrnalıst sóz sońynda qazaqtyń «Sálem – sózdіń anasy» degen naqylyn eske alyp, eń bastysy adamdardyń bіr-bіrіne degen qurmetі joǵalmaýy kerek degen oıyn jetkіzdі.