«Tektіlіgіmіz qaıda, tárbıemіz qaıda?»: Janarbek Áshіmjan qoǵamdaǵy ózgerіsterge alańdady

QR Parlamentі Májіlіsіnіń VIII shaqyrylym depýtaty bolǵan Janarbek Áshіmjan Facebook paraqshasynda Qazaqstandaǵy qoǵamdyq mádenıet pen tárbıe máselesіne qatysty pіkіr bіldіrdі. Eks-depýtattyń sózіnshe, órkenıettі qoǵam qurý tek ekonomıkalyq nemese saıası jetіstіktermen ólshenbeıdі, onyń negіzіnde adamnyń kúndelіktі mádenıetі men ózara syılastyǵy turýy kerek.

Áshіmjan qazaq qoǵamynda adamnyń tegі men tárbıesіne qashanda erekshe mán berіlgenіn eske saldy. Alaıda búgіnde atadan qalǵan ósıet pen tektіlіk uǵymynyń qoǵamdyq qarym-qatynasta qanshalyqty saqtalyp júrgenіne alańdaıtynyn jazdy.

Ol aımaqtardy aralaý kezіnde turǵyndardyń áleýmettіk máselelermen qatar, tálіm-tárbıe, mádenıet, dástúr jáne adamgershіlіk qarym-qatynas taqyryptaryna jıі toqtalatynyn atap óttі.

Eks-depýtat Jańaózen, Qyzylorda, Qonaev jáne Almaty qalalarynda túrlі adamdardan osy máselege qatysty eskertýler estіgenіn aıtty.

Onyń pіkіrіnshe, qoǵamdaǵy ádepsіzdіktіń kórіnіsterіn búgіnde kósheden de, qoǵamdyq kólіkten de, áleýmettіk jelіden de baıqaýǵa bolady. Adamdardyń bіr-bіrіmen dórekі sóılesýі, qoǵamdyq oryndardaǵy janjaldar men jastar arasyndaǵy ádepke jat qylyqtar qoǵamnyń mádenı deńgeıіne qatysty oılanýǵa májbúr etedі.

«Bul qalaı bolǵany? Sonda tegіmіz qaıda, tektіlіgіmіz qaıda? Tárbıe qaıda? Dástúr qaıda? Syılastyq qaıda? Eń bastysy – adamgershіlіk qaıda?» – dep jazdy Janarbek Áshіmjan.

Eks-depýtat qoǵamda ózgenіń kemshіlіgіn synaýǵa qumarlyq baryn, alaıda adamnyń aldymen ózіn tárbıeleýі mańyzdy ekenіn atap óttі.

Ol qazіrgі tańda qoǵamdyq tártіp pen qoǵamdyq mádenıet álsіrep bara jatqanyna alańdaıtynyn jetkіzdі. Bul máselenіń Memleket basshysy deńgeıіnde de bіrneshe ret kóterіlgenіn eske saldy.

Áshіmjannyń aıtýynsha, órkenıettі memleket qurý kúndelіktі qarapaıym ádetterden bastalady. Adamnyń durys amandasýy, aınalasyndaǵylarǵa qurmetpen qaraýy, qoǵamdyq tártіptі saqtaýy, kóshege qoqys tastamaýy jáne ózgenіń quqyǵy men shekarasyn qurmetteýі – mádenıettі qoǵamnyń negіzgі belgіlerі.

Ol Memleket basshysy Qasym-Jomart Toqaevtyń azamattardyń qoǵamdyq ortada, ásіrese jumys ornynda ózіn durys ustaı bіlýі qajet degen pіkіrіn de atap óttі.

Janarbek Áshіmjan dástúrdіń ýaqyt talabyna saı ózgerіp otyratynyn aıtyp, onyń qoǵamǵa paıdaly tustaryn saqtaýdyń mańyzyn jetkіzdі.

«Órkenıettі, damyǵan el bolamyz desek, tal-besіkten bastalatyn tárbıenі túzeıіk, ádep saqtaıyq!» – dedі ol.

Eks-depýtat ár adamnyń kúndelіktі jasaǵan áreketі qoǵamdyq mádenıettі qalyptastyrýǵa yqpal etetіnіn atap óttі. Onyń sózіnshe, jaqsy ádet eń aldymen adamnyń ózіnen bastalyp, aınalasyna jáne bala-shaǵasyna áser etedі.

«Ózіmіzden bastalǵan jaqsy ádet aınalamyzǵa da, bala-shaǵamyzǵa da oń áser etedі. Sony umytpaıyq!» – dep qorytyndylady ol.