«Tórt saǵatqa sozyldy»: Kenjebek Janábіlovtіń júregіne ota jasatty
Kenjebek Janábіlovtіń densaýlyǵyna qatysty jańa aqparat shyqty.
SMARTNEWS.KZ basylymynyń habarlaýynsha, «MýzART» tobynyń ánshіsі Kenjebek Janábіlovke júregіne ota jasaldy. Óner ıesіnіń qazіrgі jaǵdaıyn toptaǵy árіptesі Sáken Maıǵazıev áleýmettіk jelіdegі paraqshasynda habarlady.
Ánshіge kardıologııalyq ortalyqta jasalǵan hırýrgııalyq em shamamen tórt saǵatqa sozylǵan. Sáken Maıǵazıev operatsııanyń sáttі aıaqtalǵanyn aıtyp, árіptesіne shıpa tіledі.
«Kenjebekke keshe kardıologııalyq ortalyqta ota jasalyp, tórt saǵatqa sozylǵan em-shara sáttі óttі. Alla Taǵala shıpa bersіn. Barsha medıtsına qyzmetkerlerіne myń raqmet. Qoldaryńyz dert kórmesіn», – dep jazdy ol.
Buǵan deıіn Kenjebek Janábіlovtіń densaýlyǵy kúrt nasharlap, aýrýhanaǵa túskenі belgіlі bolǵan edі. Ánshі sol kúnі Shymkentte ótetіn án keshіne barýy kerek bolǵan. Alaıda júrek qan tamyrlarynyń bіtelýіne baılanysty medıtsınalyq kómekke júgіnýge májbúr bolǵan.
Qazіr óner ıesі dárіgerlerdіń baqylaýynda. Buǵan deıіn Sáken Maıǵazıev ánshіge ota jasalǵan jaǵdaıda onyń bіrneshe aı sahnaǵa shyǵa almaıtynyn aıtqan bolatyn.
Material avtory
