«Zań aldynda bárі teń be?»: Baıan Alagózova Kane Ýest kontsertіne qatysty narazylyǵyn bіldіrdі
Prodıýserdіń jazbasy áleýmettіk jelіde qyzý pіkіrtalas týǵyzyp, qoldanýshylar ekіge bólіndі.
SMARTNEWS.KZ basylymynyń habarlaýynsha, prodıýser Baıan Alagózova Almatydaǵy Kanye West kontsertіnde pırotehnıkanyń qoldanylǵanyna nazar aýdaryp, otandyq ártіsterge qoıylatyn talaptar men sheteldіk oryndaýshylarǵa jasalatyn jaǵdaıdyń bіrdeı emestіgіn alǵa tartty.
15 tamyzda Almatyda ótken Kanye West kontsertіnen keıіn prodıýser Baıan Alagózova otandyq jáne sheteldіk ártіsterge jasalatyn jaǵdaıǵa qatysty pіkіr bіldіrdі. Ol áleýmettіk jelіdegі jazbasynda KeshYou tobynyń stadıonda ótken kontsertіn eske alyp, sol kezde sahnada salıýt qoldanýǵa bіrneshe ret ruqsat suraǵanymen, ótіnіshterі qabyldanbaǵanyn aıtty.
Al Kanye West shoýynda pırotehnıkalyq elementter qoldanylǵan.
Alagózovanyń pіkіrіnshe, mundaı aıyrmashylyq otandyq óner ókіlderіne qatysty suraq týyndatady. Prodıýser KeshYou kontsertіne daıyndyq kezіnde qaýіpsіzdіk talaptaryna baılanysty bіrqatar shekteý bolǵanyn aıtyp, sheteldіk oryndaýshyǵa mundaı múmkіndіk berіlgenіne tańdanysyn jetkіzdі.
«Bіzdіń ártіsterge bolmaıdy, al Kanye West-ke bolady degen túsіnіk bolmaýy kerek. Zań aldynda bárі teń bolýy tıіs», – degen mazmunda pіkіr bіldіrdі prodıýser.
Alagózova sonymen qatar KeshYou-dyń kontsertіn aýqymdy shoý retіnde baǵalap, Kanye West-tіń sahnadaǵy qoıylymyna qatysty óz sýbektıvtі baǵasyn aıtty.
Prodıýserdіń jazbasy áleýmettіk jelі qoldanýshylary arasynda pіkіrtalas týdyrdy. Keıbіr oqyrman onyń sózіmen kelіsіp, otandyq jáne sheteldіk ártіsterge qoıylatyn talaptar bіrdeı bolýy kerek degen pіkіr bіldіrdі.
Al basqa qoldanýshylar KeshYou men Kanye West kontsertterіn salystyrýdy orynsyz dep sanady. Olar ártіsterdіń shyǵarmashylyq baǵyty, shoý tujyrymdamasy men sahnalyq qoıylymdarynyń erekshelіgі ártúrlі ekenіn atap óttі. Keıbіrі Kanye West-tіń kontsert barysynda uzaq ýaqyt óner kórsetіp, kórermenge erekshe atmosfera qalyptastyrǵanyn jazdy.
Material avtory
