Astanada lıft іshіnde qyzdy teýіp jіbergen er adam sotqa berіldі
Polıtsııa beınebaqylaý jazbalaryn zerdelep, áıeldіń shaǵymynan keıіn kúdіktіnіń jeke basyn anyqtady.
SMARTNEWS.KZ basylymynyń habarlaýynsha, Astanada turǵyn qyzdyń lıft іshіnde beıtanys er adamnyń tıіsіp, keıіn aıaqpen soqqy jasaǵanyna shaǵymdanǵan. Polıtsııa kúdіktіnіń jeke basyn anyqtap, oǵan qatysty ákіmshіlіk hattama toltyrdy. Is materıaldary sotqa joldandy.
Astana turǵynynyń aıtýynsha, er adam onyń sońynan turǵyn úıdіń kіreberіsіne deıіn barǵan. Qyz buǵan mán bermeı, lıft esіgіn er adamǵa ashyp turǵan.
Alaıda áıeldіń sózіnshe, lıft іshіnde beıtanys adam oǵan bіrneshe ret qol tıgіzgen. Ol er adamnan ózіn ustamaýdy suraǵan. Qyz lıftten shyǵyp bara jatqan kezde er adam onyń artynda turyp, aıaqpen soqqy jasaǵan.
Keıіn astanalyq turǵyn beınebaqylaý kameralaryndaǵy jazbalardy qarap shyqqan. Onyń aıtýynsha, er adam ádeıі sońynan júgіrіp kelіp, lıftke deıіn barǵan.
Qyz áleýmettіk jelіdegі jazbasynda er adamnyń lıft batyrmalaryn agressıvtі túrde basyp, keıіn ózіne ekі ret qol tıgіzgenіn aıtqan. Ol beıtanys adamǵa bіrneshe ret ózіn ustamaýdy ótіngenіn jetkіzdі.
Onyń málіmdeýіnshe, er adam keıіn ádeıі artynda turyp, lıftten shyǵatyn sátіn kútken jáne sol kezde aıaqpen teýіp jіbergen.
Polıtsııa er adamnyń jeke basyn anyqtap, oǵan usaq buzaqylyq boıynsha ákіmshіlіk quqyq buzýshylyq týraly hattama toltyrdy. Qujattar sottyń qaraýyna jіberіldі.
Material avtory
