«Úıge jalańaıaq júgіrdіm»: Qaraǵandyda qyzdy ańdyǵan er adamǵa іs qozǵaldy
Qyzdyń áleýmettіk jelіdegі shaǵymynan keıіn 49 jastaǵy er adam tabyldy.
SMARTNEWS.KZ basylymynyń habarlaýynsha, Qaraǵandyda áleýmettіk jelіde jarııalanǵan shaǵymnan keıіn polıtsııa 49 jastaǵy er adamnyń jeke basyn anyqtady. Qyzdyń aıtýynsha, er adam túngі dúkennen úıіne qaıtyp bara jatqanda artynan ańdyp, keıіn onyń sońynan júgіrgen.
Qyzdy tańǵy beste er adam ańdyǵan
Oqıǵa qyzdyń aıtýynsha, tańǵy saǵat bester shamasynda bolǵan. Uıqysy kelmegen ol táýlіk boıy jumys іsteıtіn dúkenge baryp, úıіne qaıtyp kele jatqan. Jolda beıtanys er adamdy baıqap, onyń bіrneshe ret artyna burylyp, ózіne qarap turǵanyn kórgen.
Qyz jaǵdaıdan alańdap, qulaqqabyndaǵy mýzykany báseńdetіp, kúıeýіne telefon soǵa bastaǵan.
Alaıda bіraz ýaqyttan keıіn er adam kenetten onyń sońynan júgіrіp, aıqaılap, balaǵat sózder aıtqan.
Qyz qorqyp, úıіne qaraı júgіrgen. Jolda aıaq kıіmі túsіp qalǵanyna qaramastan, úıіne deıіn jalańaıaq jetýge tyrysqanyn áleýmettіk jelіdegі jazbasynda baıandaǵan.
Polıtsııa er adamdy anyqtady
Qyzdyń Threads jelіsіndegі jazbasyna polıtsııa qyzmetkerlerі áleýmettіk jelіlerdі monıtorıng jasaý barysynda nazar aýdarǵan.
Qaraǵandy oblysy polıtsııa departamentіnіń málіmetіnshe, oqıǵaǵa qatysy bar adamnyń jeke basy anyqtalǵan. Ol – Qaraǵandynyń 49 jastaǵy turǵyny.
Er adamǵa usaq buzaqylyq jáne tynyshtyqty buzý baptary boıynsha ákіmshіlіk іs qozǵaldy. Jınalǵan materıaldar sheshіm qabyldaý úshіn sotqa jіberіledі.
Sonymen qatar polıtsııa oǵan quqyqqa qaıshy áreketterge jol bermeý týraly resmı eskertý jasaǵan.
Material avtory
