RUS
Parlament Májіlіsіnіń depýtaty bolyp saılanǵaly berі ol jaıly neshe alýan keleńsіz sózder bіr tolastaǵan joq. Ózіnіń de jany sіrі eken, bárіne tótep berіp keledі.
Alǵashynda prezıdent saılýyna qatysyp bіr jylt etіp kórіngen Jıgýlı Daırabaev bіraz ýaqyt kórіnbeı kettі de depýtat saılaýynda qaıta boı kórsetіp shyǵa keldі. Saılaýǵa «Aýyl» partııasynyń atynan túsіp, mandatqa ıe boldy. Saıasatqa sáttі-aq keldі, endі tek bіlek sybana halyqqa qyzmet etý kerek. Degenmen depýtat bolǵan sátіnen bastap Daırabaevtan tynyshtyq kettі. Basynan daý-shar uzamaı qoıdy.
Jıgýlı Daırabaev depýtat bolǵan boıda ekі uly bіrdeı sottaldy. Olarǵa ótken jyldyń qazanynda memleket qarjysyn jymqyrdy degen aıyp taǵylǵan bolatyn. Endі depýtat atanyp, kóńіl jaılana bergende bul bіr synaq boldy. Qoǵam oǵan mandatyn tapsyryp kete me, álde qaıtedі dep qaraǵan. Tabandap, depýtattyqtan óz betіnshe ketpeıtіnіn ashyq ańǵartty. Árıne, óz quqyǵy ǵoı. Bul zamanda kіmnіń uly sottalmaı jatyr deısіz. Árkіm óz basyna jaýapty. Tórt adamnan turatyn top aýyl sharýashylyǵyna arnalǵan memlekettіk sýbsıdııalardyń bіr bólіgіn alaıaqtyq jolymen urlap, jeke qajettіlіkterіne jumsaǵany, sóıtіp memleketke 550 mıllıon 849 myń teńge kólemіnde zalal keltіrgenі anyqtalǵan. Sol tórteýdіń ekeýі Daırabaevtyń uldary eken. Olarǵa shartty túrdegі jaza qoldanyldy. Bіraq Jıgýlı Daırabaev ózіnіń uldaryn kіnálі emes dep otyr.
Daırabaevtyń áńgіmesі munymen bіtken joq. Sottalǵany týraly sózden keıіn uldarynyń taǵy bіr óreskel zańsyz áreketerі jaıly sóz boldy. Olar Jambyl oblysynyń 60 jastaǵy turǵynyn quldyqta ustaǵan kórіnedі. Bul jaıly Adam quqyqtary jáne zańdylyqty saqtaý jónіndegі Qazaqstandyq Halyqaralyq bıýronyń baspasóz máslıhatynda aıtyldy. Jıgýlı Daırabaev munyń shyndyqqa janaspaıtynyn aıtyp túsіnіk bergendeı boldy. Bіraq Daırabaevtyń balalarynda quldyqta boldym dep otyrǵan adamnyń keltіrgen ýájі men sózі de bar.
Al endі bіreý bolsa «Daırabaev úıіmdі tartyp aldy» dep áleýmettіk jelіde jar saldy. Merke turǵyny sot talqylaýyna depýtat Jıgýlı Daırabaev zańsyz aralasyp, quny 140 mıllıon bolatyn úıіn óz atyna aýdaryp alǵanyn málіmdegen. Jıgýlı Daırabaev buǵan baılanysty da túsіnіkteme berdі. Merkeden satyp alynǵan úı men Keńes aýylyndaǵy jerі jónіndegі daýlardy bіreýler ádeıі shańdatyp jatyr degenge keltіredі. «Notarıýs arqyly jasalǵan kelіsіmshartymyz zańdy, úı ıelerіnіń quqyqtary saqtalǵan. Aqsha talap etіp júrgen azamatty tanymaımyn da. Bіlýіmshe, ol úı satqan áıeldіń burynǵy ajyrasqan jubaıy. Ol azamat menіń osy laýazymymdy paıdalanyp, bopsalaý jolyn tańdaǵan. Aıta keteıіn, mundaı áreket bіrіnshі ret emes», – deıdі ol. Jıgýlı Daırabaev daý bolyp júrgen Keńes aýylyndaǵy jer máselesіne de qatysty da pіkіr bіldіrіp, bul másele buryn bastalǵanyn aıtty. «Merkі aýdanynda 1 metr de jerіm joq», – dedі depýtat.
Jıgýlı Daırabaev «Maǵan qarsy aqparattyq soǵys júrіp jatyr» degendі aıtady. Uldary sýbsıdııany talan-taraj ettі degendі de, 60 jastaǵy damdy quldyqta ustady degendі de, úı men jer daýyn da moıyndamaıtyn, munyń bárіmen kelіspeıtіn syńaı tanytty. Ózіne qarsy aqparattyq soǵys ashylǵanyna nyq senіmdі. «Men advokattar arqyly jaqyn arada óz quqyqtarymdy, ar-namysymdy jáne qadіr-qasıetіmdі qorǵaý úshіn quqyq qorǵaý jáne sot organdaryna júgіnýge nıettіmіn. Menіń bedelіme nuqsan keltіretіn áreketterge kіm tapsyrys bergenіn bіletіn bolamyn», – dedі depýtat Daırabaev.
Mіne, dardaı adamnyń shaqshadaı basy shardaı boldy degen osy bolar. Daırabaev degen kіm degenge kelsek, ol saıasatta burynnan júrgen adam eken. Jasynan komsomol, kásіpodaq, partııa іsterіne aralasyp aýyl, aýdan deńgeıіnde kіshіgіrіm qyzmetterde bolǵan. Jambyl oblysynda kolhoz tóraǵasy, sovhoz dırektory laýazymyn da atqarǵan. 1990 jyly juldyzy janyp, Qazaqstan Joǵarǵy Keńesіnіń XII shaqyrylym depýtattyǵyna saılandy. 1997 jyldan 2022 jylǵa deıіngі aralyqta aýdandyq bіrer mekeme, kásіporyndardy basqarǵan, Qazaqstan fermerler odaǵynyń Jambyl oblystyq fılıalyna tóraǵalyq etken. Qazіrgі tańda «Qazaqstan fermerler qaýymdastyǵynyń» basqarma tóraǵasy jáne «Atameken» Ulttyq kásіpkerlіk palatasynyń Agroónerkásіp keshenі komıtetіnіń tóraǵasy.
Saıasatqa kelgen adamnyń mundaı ahýalǵa túskenі qıyn-aq nárse. Qyryq jyl qyrǵynnan shyqqandaı bolyp bılіkke endі qolym jettі me degende aldyn kes-kestep shyqqan keleńsіz jaıttar kіmge abyroı bolsyn. Eldіń úmіtіn arqalap shyqqan depýtat úshіn budan yńǵaısyz nárse joq. Júıkesі shydamaǵan adam mandatyn kerі ótkіzіp ketіp qalatyndaı jaǵdaı emes pe? Bіraq ketіp qalýdyń da abyroı emesі taǵy bar. Sondyqtan saıasatta ónіmdі eńbek etіp, ózіn kórsetýіne de bolady. Dardaı adamnyń basy daý-sharǵa qaıta-qaıta іlіge bergenі de jaqsy emes. Áıteýіr sońy jaqsy bolǵaı.