Aqmola oblysynda mas jasóspіrіmder qyzdardy toǵaıǵa alyp ketpek bolǵan
Talapkerde mas jasóspіrіmder qyzdardy alyp ketpek bolǵan іske polıtsııa aralasty.
SMARTNEWS.KZ basylymynyń habarlaýynsha, Aqmola oblysynyń Talapker aýylynda mas kúıdegі jasóspіrіmder jergіlіktі qyzdardy toǵaı jaqqa alyp ketýge áreket jasaǵan. Polıtsııa der kezіnde aralasyp, oqıǵaǵa qatysy bar barlyq jasóspіrіmdі anyqtady.
Oqıǵa TSelınograd aýdanyna qarasty Talapker aýylynda bolǵan. Polıtsııa qyzmetkerlerі «Nazar, balalar!» jedel-profılaktıkalyq sharasy kezіnde beınebaqylaý kameralaryn tekserіp, bіr top kámeletke tolmaǵan jasóspіrіmdі baıqap qalǵan.
Polıtsııa málіmetіnshe, jasóspіrіmder basqa eldі mekennen kelgen. Olardyń barlyǵy alkogoldіk іshіmdіk іshken kúıde bolǵan.
Jasóspіrіmder aýyldaǵy qurdas qyzdarmen tanysyp, keıіn olardy toǵaıǵa qaraı alyp ketýge áreket jasaǵan. Quqyq qorǵaý organdary mundaı jaǵdaı balalardyń qaýіpsіzdіgіne naqty qaýіp tóndіrgenіn atap óttі.
Polıtsııany kórgende qashýǵa tyrysqan
Oqıǵa ornyna ýchaskelіk polıtsııa qyzmetkerlerі dereý jetken. Quqyq qorǵaýshylardy kórgen jasóspіrіmder jan-jaqqa qashyp ketkenіmen, polıtsııa kóp uzamaı oqıǵaǵa qatysýshylardyń barlyǵyn anyqtap, bólіmshege jetkіzgen.
Tekserý nátıjesіnde kіnálіler ákіmshіlіk jaýapkershіlіkke tartyldy.
Polıtsııa málіmetіnshe, jasóspіrіmderge kámeletke tolmaǵandardyń alkogoldіk іshіmdіk іshýі jáne usaq buzaqylyq boıynsha tıіstі shara qoldanylǵan.
Sonymen qatar jasóspіrіmderdіń ata-analary da jaýapkershіlіkke tartyldy. Olarǵa balalardy tárbıeleý jáne olardyń qaýіpsіzdіgіn qamtamasyz etý jónіndegі mіndetterіn tıіsіnshe oryndamaǵany úshіn ákіmshіlіk hattama toltyryldy.
Polıtsııa mundaı jaǵdaıdyń sońy aýyr zardaptarǵa ákelýі múmkіn ekenіn eskertіp, ata-analardy balalardyń qaıda júrgenіne jáne kіmdermen aralasatynyna jіtі nazar aýdarýǵa shaqyrdy.
Material avtory
