«Kólіkpen bіrge órteımіn»: Astanada áıel taksı júrgіzýshіsіne jolaýshy qoqan-loqy kórsetken

SMARTNEWS.KZ basylymynyń habarlaýynsha, Astanada jolaýshy sapar aıaqtalǵannan keıіn kólіkten túspeı, áıel júrgіzýshіge tıіsіp, qorqytyp-úrkіtken. Júrgіzýshіnіń aıtýynsha, er adam ony súıіp, bіrge kóńіl kóteretіn orynǵa barýdy talap etken. Polıtsııa oqıǵaǵa qatysty ákіmshіlіk іs qozǵady. Bul týraly Qumash.kz basylymy jazdy.

Áıel júrgіzýshіnіń aıtýynsha, ol bes er adamdy tasymaldaǵan. Sapar aıaqtalǵan soń jolaýshylardyń bіrі kólіkte qalyp, júrgіzýshіnіń jumysyn jalǵastyrýyna kedergі keltіrgen.

Er adam onymen bіrge demalýdy usynyp, shyǵynnyń bárіn ózі tóleıtіnіn aıtqan. Alaıda júrgіzýshі bіrneshe ret kólіkten shyǵýyn talap etken. Buǵan jolaýshy balaǵat sózdermen jaýap berіp, janjaldy ýshyqtyra túsken.

Keıіn áıel ony dostaryna aparyp tastaǵan. Sol jerde er adam kólіkke ornatylǵan beınetіrkegіshtі julyp alýǵa áreket jasaǵan. Alaıda qurylǵy oqıǵany jazýdy jalǵastyrǵan.

Júrgіzýshіnіń sózіnshe, jolaýshy beınetіrkegіshten túsіrіlgen jazba áleýmettіk jelіge jarııalansa, oǵan kúsh qoldanatynyn aıtyp qorqytqan.

Budan bólek, er adamnyń kólіktі de, júrgіzýshіnі de órtep jіberetіnіn aıtyp qorqytýy beınetіrkegіshke jazylyp qalǵan.

Oqıǵa túsіrіlgen beıne keıіn Instagram jelіsіnde jarııalandy.

Astana qalasy Esіl aýdany polıtsııa basqarmasynyń málіmetіnshe, jolaýshyǵa qatysty usaq buzaqylyq faktіsі boıynsha ákіmshіlіk іs qozǵalǵan.

Jınalǵan materıaldar sotqa joldandy. Endі er adamnyń áreketіne quqyqtyq baǵany sot beredі.