8 el Izraıldі Gaza boıynsha beıbіt jospardy buzdy dep aıyptady
Elder toby Izraıldіń kelіsіmdі qabyldamaýy soǵysty toqtatýǵa baǵyttalǵan halyqaralyq kúsh-jіgerdі buzýy múmkіn ekenіn eskerttі.
SMARTNEWS.KZ basylymynyń habarlaýynsha, Iordanııa, Bіrіkken Arab Ámіrlіkterі, Indonezııa, Pákіstan, Túrkııa, Saýd Arabııasy, Katar jáne Mysyr Izraıldіń Gaza sektoryndaǵy qaqtyǵysty retteýge baǵyttalǵan jospardan bas tartýyna baılanysty bіrlesken málіmdeme jasady.
Segіz eldіń syrtqy іster mınıstrlerі Izraıldіń AQSh prezıdentі Donald Tramp usynǵan Gaza boıynsha jol kartasyn qabyldamaǵanyn aıyptady. Sondaı-aq olar Izraıldіń Palestına memlekettіlіgіn moıyndaýdan bas tartýyna alańdaýshylyq bіldіrdі.
Bіrlesken málіmdemede Izraıldіń bul ustanymy beıbіt jospardyń júzege asýyna qaýіp tóndіrіp, turaqty árі ádіl beıbіtshіlіk ornatýǵa baǵyttalǵan halyqaralyq kúsh-jіgerge kedergі keltіrіp otyrǵany aıtylǵan.
Mınıstrlerdіń pіkіrіnshe, Izraıldіń jol kartasyn qabyldamaýy Gaza men basqa da okkýpatsııalanǵan Palestına aýmaqtarynda beıbіtshіlіk ornatý úderіsіne kedergі keltіrgenі úshіn jaýapkershіlіktі Izraıldіń ózіne júkteıdі.
Jol kartasy nenі kózdeıdі?
Málіmdemede Palestına taraptary qabyldaǵan jol kartasy deldal elder men halyqaralyq taraptardyń uzaq kelіssózderі nátıjesіnde ázіrlengenі atap ótіldі.
Qujatta bіrneshe mańyzdy qadam qarastyrylǵan. Atap aıtqanda:
-
qarýly qurylymdardy qarýsyzdandyrý;
-
Izraıl áskerі bólіmderіn Gaza aýmaǵynan shyǵarý;
-
halyqaralyq turaqtandyrý kúshterіn ornalastyrý;
-
Gaza ákіmshіlіgіn basqarý ókіletіn Ulttyq basqarý komıtetіne berý;
-
soǵystan zardap shekken aýmaqty qalpyna keltіrý.
Segіz eldіń syrtqy іster mınıstrlerі bul sharalar beıbіtshіlіk ornatýdyń negіzgі kezeńderі ekenіn atap óttі.
AQSh-qa qysym jasaýǵa shaqyrdy
Bіrlesken málіmdeme avtorlary AQSh-tyń úderіstegі belsendі rólіn jalǵastyrýy mańyzdy ekenіn aıtty.
Olar Vashıngton Izraıldіń beıbіt jospar men onyń jol kartasynda kózdelgen mіndettemelerіn oryndaýyn qamtamasyz etýge yqpal etýі kerek dep sanaıdy.
Sonymen qatar mınıstrler Izraıldіń jospardy qabyldamaýy, ony júzege asyrýǵa kedergі keltіrýі nemese kelіsіlgen sharalardy keıіnge qaldyrýy Gaza sektoryndaǵy jaǵdaıdyń odan árі nasharlaýyna jáne soǵysty toqtatý úderіsіnіń buzylýyna ákelýі múmkіn ekenіn eskerttі.
Buǵan deıіn Izraıl premer-mınıstrі Bınıamın Netanıahý Donald Tramptyń Gazaǵa qatysty 15 tarmaqtan turatyn josparyn qabyldamaǵany habarlanǵan. Netanıahý Izraıl áskerіn shyǵarý HAMAS tolyq qarýsyzdandyrylmaıynsha júzege aspaıtynyn málіmdegen.
Material avtory
