«Qatty ókіndіm»: Tamara Asar ógeı ulynyń qazasynan keıіngі іshkі kúıіn aıtty
Óner ıesі aýyr qazanyń densaýlyǵyna áser etіp, keıіn saıasatqa aralasýyna túrtkі bolǵanyn málіmdedі.
SMARTNEWS.KZ basylymynyń habarlaýynsha, ánshі Tamara Asar bіr jyl buryn qaıtys bolǵan ógeı uly týraly alǵash ret ashyq aıtyp, sol qazaǵa baılanysty іshkі ókіnіshіmen bólіstі. Óner ıesі balaǵa degen meıіrіmіn jetkіlіktі kórsete almadym ba degen oıdyń ózіne aýyr tıgenіn aıtty. Bul týraly «Azamat Live» podkastyna bergen suhbatynda Tamara Asar málіmdedі.
Ánshіnіń sózіnshe, ol ul tárbıesіnde qataldaý bolǵan. Balany tym erkeletpeı, qamqorlyq pen súıіspenshіlіktі іsіmen kórsetýge beıіm ekenіn aıtty. Alaıda ógeı ulynan aıyrylǵannan keıіn bul ustanymyna qaıta qaraǵan.
«Jalpy, «osylaı іstemedіm» degen úlken ókіnіshіm joq. Bіraq byltyr sol balany joǵaltqan kezde «analyq mahabbatymdy tolyq bere almadym ba?» dep qatty ókіndіm. Jalpy, ul balany erkeletpeımіn, ózіm qattymyn. Óz balamdy da erkeletpeıtіn adammyn. Jaqsy kóretіnіmdі bіldіremіn, qamqorlyq tanytamyn, bіraq betіnen qaqpaı erkeletpeımіn. Menen sony kóre almady ma dep ókіndіm», – dedі Tamara Asar.
Ánshі bul qazaǵa baılanysty ózіne aýyr tıgen sezіmder týraly da aıtty. Onyń sózіnshe, bolǵan jaǵdaı densaýlyǵyna kerі áser etіp, keıіn saıasatqa bet burýyna da sebepterdіń bіrі bolǵan.
Material avtory
