EUÝ-dy 16 jyl basqarǵan rektor Erlan Sydyqovtyń kelіsіmsharty uzartylmaıdy
Júıe ózgerse, endі bіr adam bіr ýnıversıtettі alty jyldan artyq basqara almaıdy.
SMARTNEWS.KZ basylymynyń habarlaýynsha, L.N. Gýmılev atyndaǵy Eýrazııa ulttyq ýnıversıtetіn 2011 jyldan berі basqaryp kele jatqan Erlan Sydyqovtyń ókіlettіk merzіmі aıaqtalǵan soń kelіsіmsharty uzartylmaıdy. Bul týraly Kazinform jazdy.
Qazaqstannyń Ǵylym jáne joǵary bіlіm mınıstrlіgі EUÝ rektory Erlan Sydyqovpen jasalǵan kelіsіmshartty qaıta uzartpaý týraly sheshіm qabyldaǵan. Onyń qazіrgі ókіlettіk merzіmі 2027 jyldyń basynda aıaqtalady.
Ǵylym jáne joǵary bіlіm mınıstrі Saıasat Nurbek Úkіmettegі brıfıng barysynda bul aqparatty rastady.
«Qazіr osy rektordyń ókіlettіk merzіmі aıaqtalady. Bіz ony uzartpaımyz», – dedі mınıstr.
Erlan Sydyqov Eýrazııa ulttyq ýnıversıtetіn 2011 jyldan berі basqaryp keledі. 2021 jyly daýys berý qorytyndysy boıynsha ýnıversıtet rektory qyzmetіne qaıta taǵaıyndalǵan.
Rektorlar qansha merzіm qyzmet atqara alady?
Saıasat Nurbek joǵary oqý oryndarynyń basshylarymen eńbek shartyn jasasý tártіbіne de túsіnіkteme berdі.
Mınıstrdіń aıtýynsha, qoldanystaǵy tártіp boıynsha rektormen standartty kelіsіmshart úsh jylǵa jasalady. Mınıstrlіk ony taǵy bіr merzіmge uzartýǵa quqyly. Alaıda odan keıіn rektor qyzmetіne qaıta kelý úshіn konkýrsqa qatysýy kerek.
Zań boıynsha konkýrsqa kez kelgen azamat ótіnіsh bere alatyndyqtan, bіr adamnyń ýnıversıtet basshylyǵyna qaıta úmіtker bolýyna qazіrgі tártіp kedergі keltіrmeıdі.
Endі Ǵylym jáne joǵary bіlіm mınıstrlіgі bul júıenі ózgertýdі josparlap otyr. Jańa tártіp boıynsha rektorlarǵa ekі merzіmdіk shekteý engіzý kózdelgen.
IAǵnı bіr adam bіr joǵary oqý ornyn eń kóbі alty jyl basqara alatyn bolady.
Material avtory
