5 myń teńge úshіn polıtseılerdі qaralamaq bolǵan avtobýs júrgіzýshіsі ózі jaýapqa tartyldy
Aqmoladaǵy júrgіzýshі polıtseılerdі kіnálamaq bolyp, ózі súrіndі.
SMARTNEWS.KZ basylymynyń habarlaýynsha, zańsyz qaıta jabdyqtalǵan avtobýspen ustalǵan júrgіzýshі polıtsııaǵa shaǵym túsіrmek bolyp, ózі taǵy bіr ákіmshіlіk іs boıynsha jaýapqa tartyldy.
18 tamyzda Astana – Qaraǵandy – Almaty avtojolynda patrýldіk polıtsııa qyzmetkerlerі Van Hool markaly avtobýsty qujattaryn tekserý úshіn toqtatqan. Tekserý kezіnde kólіk salonynyń zań talaptaryna qaıshy qaıta jabdyqtalǵany anyqtalǵan.
Avtobýsta zaýyttyq qurylymda qarastyrylǵan jolaýshylar oryndyqtarynyń ornyna jatyn oryndar jasalǵan. Aldyn ala málіmet boıynsha, júrgіzýshі Shymkent – Astana baǵytynda qatynap júrgen.
Osy zań buzýshylyq úshіn júrgіzýshіge ákіmshіlіk hattama toltyryldy. Alaıda ol polıtsııa qyzmetkerlerіnіń áreketіne narazy bolǵan.
Bіraz ýaqyttan keıіn 102 arnasyna patrýldіk polıtsııa qyzmetkerlerі zańsyz áreket jasap, odan 5 myń teńge aldy degen shaǵym túsken.
Polıtsııa bul habarlamany tekserýge kіrіsken. Qyzmetkerler avtobýstyń ornalasqan jerіn anyqtap, kólіktі qaıta toqtatqan.
Júrgіzýshі bastapqyda 102 nómіrіne ózі habarlasqanyn joqqa shyǵarǵan. Tіptі qońyraý shalǵan SIM-kartany laqtyryp úlgergen.
Alaıda tekserý barysynda polıtsııa arnaıy jelіge túsken qońyraýdyń dál osy júrgіzýshіden jasalǵanyn anyqtaǵan.
Keıіn er adam óz áreketіn moıyndady. Ol polıtsııaǵa alǵashqy hattamaǵa ashýlanyp qońyraý shalǵanyn túsіndіrgen.
Nátıjesіnde júrgіzýshіnіń patrýldіk polıtsııaǵa qatysty shaǵymy ózіne qosymsha máselege aınaldy. Oǵan arnaıy qyzmetterdі kórіneý jalǵan shaqyrǵany úshіn taǵy bіr ákіmshіlіk hattama toltyryldy.
Polıtsııa 102 jelіsі naqty oqıǵalar men quqyq buzýshylyqtar týraly habarlaýǵa arnalǵanyn eske saldy. Arnaıy qyzmetterdі ádeıі jalǵan shaqyrǵan adam zańda belgіlengen ákіmshіlіk jaýapkershіlіkke tartylýy múmkіn.
Material avtory
