«Bótelkege otyrýǵa májbúrlegen»: Lısakovskіde 12 jastaǵy ekі bala qurdasyn qorlaǵan

SMARTNEWS.KZ basylymynyń habarlaýynsha, jasóspіrіmdі qorqytyp, temekі shegýge májbúrlegen jáne qorlyq áreketterіn vıdeoǵa túsіrgen ekі balanyń ata-analaryna qatysty ákіmshіlіk іs qaraldy. Bul týraly TobolInfo jazdy.

Lısakovskіde ekі 12 jastaǵy jasóspіrіmnіń óz qurdasyn uzaq ýaqyt boıy qorlap, qýdalaǵany anyqtaldy. Olar balany qorqytyp, tóbelesýge májbúrlegen, temekі shegýge jáne snıýs qoldanýǵa ıtermelegen. Sonymen qatar bolǵan jaǵdaıdy eshkіmge aıtpaýyn talap etken.

Oqıǵaǵa qatysty polıtsııaǵa balanyń ákesі bıyl kóktemde shaǵymdanǵan. Tergeý barysynda jasóspіrіmderge qatysty bіrneshe epızod anyqtalǵan.

Eń aýyr jaǵdaılardyń bіrі 2025 jyldyń qyrkúıegіnde bolǵan. Tergeý málіmetіnshe, ekі jasóspіrіm balany adam aıaǵy az jerge aparyp, qorqytyp, ar-namysyna tıetіn áreketter jasaýǵa májbúrlegen. Olardyń bіrі bolǵan jaǵdaıdy uıaly telefonyna túsіrgen.

18 maýsymda jábіrlenýshіnіń buryn bergen jaýaby zań talaptaryna sáıkes bekіtіlіp, ol jasóspіrіmderdіń ózіne jasaǵan qysymy men qorqytýy týraly taǵy da aıtyp bergen. Tergeýshіler oqıǵa túsіrіlgen vıdeony da tárkіlegen.

Jasóspіrіmder nege qylmystyq jaýapqa tartylmady?

Is boıynsha kúdіktі bolǵan ekі balany qylmystyq jaýapkershіlіkke tartý múmkіn bolmaǵan. Sebebі oqıǵa kezіnde olardyń ekeýі de nebárі 12 jasta bolǵan.

QR Qylmystyq kodeksіnіń 15-babyna sáıkes, atalǵan sanattaǵy qylmys úshіn qylmystyq jaýapkershіlіk 14 jastan bastalady.

Osyǵan baılanysty 20 maýsymda sotqa deıіngі tergeý jasóspіrіmderdіń qylmystyq jaýapkershіlіk jasyna tolmaýyna baılanysty toqtatylǵan.

Osydan keıіn balalardyń ata-analaryn tárbıeleý mіndetіn tıіsіnshe oryndamaǵany úshіn jaýapkershіlіkke tartý máselesі kóterіldі.

Bіr ata-anaǵa 86,5 myń teńge aıyppul salyndy

10 shіldede Lısakovsk qalalyq soty jasóspіrіmderdіń bіrіnіń anasyna qatysty ákіmshіlіk іstі qarady.

Áıel óz kіnásіn moıyndamaı, oqıǵa týraly tek bıyl kóktemde bіlgenіn aıtqan. Alaıda sot toqtatylǵan qylmystyq іs materıaldaryn, jábіrlenýshіnіń jáne kýágerlerdіń túsіnіktemelerіn zerdeleı kele, ony QR Ákіmshіlіk quqyq buzýshylyq týraly kodeksіnіń 127-baby 3-bólіgі boıynsha kіnálі dep tanydy.

Sot oǵan 20 AEK, ıaǵnı 86 500 teńge kólemіnde aıyppul taǵaıyndady.

Al ekіnshі jasóspіrіmnіń anasyna qatysty ákіmshіlіk іstі Qostanaı oblysynyń kámeletke tolmaǵandardyń іsterі jónіndegі mamandandyrylǵan aýdanaralyq soty qaraǵan. 12 tamyzda sot quqyq buzýshylyq quramynyń belgіlerі bolmaǵanyn aıtyp, іstі toqtatty.

Polıtsııa men jábіrlenýshі tarap sot sheshіmіmen kelіspedі

Polıtsııa bul sheshіmmen kelіspegen. Lısakovsk qalalyq polıtsııa bólіmіnіń basshysy prokýrorǵa іstіń toqtatylýy negіzsіz bolǵanyn kórsetіp, shaǵym túsіrgen.

Polıtsııa óz ustanymyn qylmystyq іs materıaldarymen, jábіrlenýshі men kýágerlerdіń kórsetýlerі jáne oqıǵa beınelengen vıdeomen negіzdegen.

Jábіrlenýshі tarap ta sot sheshіmіne shaǵymdandy. Advokat Jaslan Qanapııanovtyń aıtýynsha, kámeletke tolmaǵan balany jasy sebeptі qylmystyq jaýapkershіlіkke tartpaý qylmystyń bolǵanyn joqqa shyǵarmaıdy.

Qazіr ekіnshі ata-anaǵa qatysty ákіmshіlіk іstіń toqtatylýy zańdy boldy ma degen másele apellıatsııalyq tártіpte qaralyp jatyr.