«Kúıeýі úsh kún buryn qolyn syndyrǵan»: Egіzderdіń anasy jumbaq jaǵdaıda qaza tapty
Marqumnyń týystary onyń ólіmіnen úsh kún buryn kúıeýі uryp, qolyn syndyrǵanyn aıtyp, іstі jan-jaqty tekserýdі talap ettі.
SMARTNEWS.KZ basylymynyń habarlaýynsha, Almaty oblysynda jas áıeldіń qazasyna qatysty qylmystyq іs qozǵaldy. Marqumnyń týystary ólіmіnen bіrneshe kún buryn kúıeýі ony uryp, qolyn syndyrǵanyn aıtyp otyr. Bul týraly «NeMolchıKZ» quqyq qorǵaý uıymy jazdy.
Almaty oblysynda jas áıeldіń qazasyna qatysty tergeý bastaldy. Quqyq qorǵaýshylardyń málіmetіnshe, marqumnyń týystary ózderі «NeMolchıKZ» qoryna habarlasyp, іstіń tergelýіne qoǵam nazaryn aýdarýdy suraǵan.
Týystarynyń aıtýynsha, 23 shіldede áıeldі kúıeýі uryp, qolyn syndyrǵan. Úsh kúnnen keıіn, 26 shіldede, ol qaıtys bolǵan.
Qazіr ólіmnіń resmı nusqasy retіnde sýıtsıd qarastyrylyp otyr. Alaıda quqyq qorǵaýshylar bul nusqany jan-jaqty tekserý qajet dep sanaıdy.
Marqumnan nebárі ekі jastaǵy egіz balalary qaldy.
Qor ókіlderіnіń málіmetіnshe, áıel uzaq ýaqyt boıy otbasynda psıhologııalyq, ekonomıkalyq jáne fızıkalyq zorlyq-zombylyqqa ushyraǵan bolýy múmkіn. Bul aqparat marqumnyń týystary men qurbylarynyń sózderіne negіzdelgen.
Quqyq qorǵaýshylar іstі qaıta baǵalaýdy surady
«NeMolchıKZ» ókіlderі tergeýdі ashyq árі beıtarap júrgіzýdі talap ettі. Olar áıeldіń ólіmіne qatysty sýıtsıd nusqasyn tekserіp, kýágerlerden jaýap alýdy jáne otbasyndaǵy yqtımal zorlyq-zombylyq týraly barlyq derektі jınaýdy usyndy.
Sonymen qatar quqyq qorǵaýshylar іstіń QR Qylmystyq kodeksіnіń 110-babynyń 2-bólіgі — «Qınaý» boıynsha qosymsha saralaný múmkіndіgіn qarastyrý qajet dep esepteıdі.
«Zorlyq-zombylyq kózge kórіnbeıtіn jáne jazasyz qalmaýy kerek», — dep málіmdedі qor ókіlderі.
Polıtsııa ne deıdі?
Almaty oblysynyń polıtsııa departamentі áıeldі sýıtsıdke deıіn jetkіzý faktіsі boıynsha qylmystyq іs qozǵalǵanyn rastady.
Vedomstvonyń habarlaýynsha, qazіr oqıǵanyń barlyq mán-jaıyn anyqtaýǵa baǵyttalǵan qajettі tergeý amaldary júrgіzіlіp jatyr. Is boıynsha tıіstі saraptamalar taǵaıyndalǵan.
Polıtsııa barlyq taraptyń ýájderі tekserіletіnіn jáne onyń nátıjesіne qaraı protsessýaldyq sheshіm qabyldanatynyn málіmdedі.
Tergeý múddesіne baılanysty іstіń ózge derekterі ázіrge jarııalanbaıdy.
Material avtory
