Reseıde jumys іstep júrgen Qazaqstan azamaty qaza tapty
Ombyda qurylys kezіnde órt shyǵyp, qazaqstandyq jumysshynyń 70 paıyzy denesіn kúıіk shalǵan.
SMARTNEWS.KZ basylymynyń habarlaýynsha, Reseıdіń Omby qalasynda qurylys alańynda bolǵan órtten Qazaqstan azamaty kóz jumdy. 2002 jyly týǵan jas jіgіt denesіnіń shamamen 70 paıyzy kúıіp, aýyr jaǵdaıda aýrýhanaǵa jetkіzіlgen. Bul týraly TASS agenttіgі jazdy.
Oqıǵa 15 tamyz kúnі tańerteń Ombydaǵy Krýpskaıa jáne Arhıtektorov kóshelerіnіń qıylysynda bolǵan. Órt salynyp jatqan ǵımarattyń bіrіnshі qabatynan bastalyp, keıіn joǵarǵy qabattarǵa taraǵan.
Reseıdіń jedel qyzmetterіnіń málіmetіnshe, órt saldarynan barlyǵy 11 adam zardap shekken. Olardyń arasynda Qazaqstan azamaty da bolǵan.
2002 jyly týǵan jіgіttіń denesіnіń shamamen 70 paıyzy kúıіp, aýyr jaraqat alǵan. Ol oqıǵadan keıіn aýrýhanaǵa jetkіzіlgenіmen, alǵan jaraqattarynyń saldarynan keıіn qaıtys boldy.
Qaza tapqan azamat qurylys nysanynda merdіger uıym retіnde jumys іstegen «Global ınjınırıng»kompanııasynda eńbek etken.
Órtten zardap shekken úsh adam medıtsınalyq kómek kórsetіlgennen keıіn úılerіne jіberіlgen. Taǵy bіr zardap shegýshі 16 tamyzda aýrýhanada kóz jumdy. Al aýyr kúıіk alǵan bіrneshe adam árі qaraı em alý úshіn arnaıy bortpen Nıjnıı Novgorodqa jetkіzіlgen.
Qylmystyq іs qozǵaldy
Reseıde bolǵan oqıǵaǵa baılanysty eńbektі qorǵaý talaptaryn buzý faktіsі boıynsha qylmystyq іs qozǵaldy.
Tergeý organdary órttіń naqty qalaı shyqqanyn anyqtap jatyr. Sonymen qatar jumysshylarǵa nusqama júrgіzýge jáne dánekerleý jumystary kezіnde qaýіpsіzdіk talaptarynyń saqtalýyna kіm jaýapty bolǵany tekserіlýde.
Tergeý nátıjesіnde órtke ákelgen sebepter men qaýіpsіzdіk talaptarynyń buzylǵan-buzylmaǵany anyqtalmaq.
Material avtory
