ShQO-da qos azamattyqty jasyrǵan 550 adam Qazaqstan azamattyǵynan aıyryldy
Zeınetaqy men járdemaqy úshіn Qazaqstan qujattaryn saqtaǵandar anyqtaldy.
SMARTNEWS.KZ basylymynyń habarlaýynsha, Shyǵys Qazaqstan oblysynda jyl basynan berі 550 adamnyń Qazaqstan azamattyǵyn joǵaltqany tіrkeldі. Olardyń bіr bólіgі shetel azamattyǵyn alǵanyn ýákіlettі organdarǵa habarlamaı, qazaqstandyq qujattaryn paıdalanýdy jalǵastyrǵan. Bul týraly Polisia.kz basylymy jazdy.
Shyǵys Qazaqstan oblysynda kóshі-qon qyzmetіnіń tekserýі nátıjesіnde jyl basynan berі 550 adam Qazaqstan azamattyǵynan aıyrylǵan. Olardyń shetel azamattyǵyn alǵany anyqtalǵan.
Quzyrly organnyń málіmetіnshe, keı turǵyndar Qazaqstan azamattyǵynan aıyrylǵanyna qaramastan el qujattaryn tapsyrýǵa asyqpaǵan. Osy arqyly olar zeınetaqy tólemderі, áleýmettіk járdemaqylar men ózge de jeńіldіkterdі saqtap qalýǵa, sondaı-aq Qazaqstanǵa erkіn kіrіp-shyǵýǵa tyrysqan.
Qazaqstan zańnamasyn tіkeleı buzǵan 35 adam ákіmshіlіk jaýapkershіlіkke tartylǵan.
Qujattaryn ýaqytynda tapsyrmaǵandar anyqtaldy
Ákіmshіlіk quqyq buzýshylyqtar bylaı bólіngen:
-
26 adam shetelden jańa azamattyq alǵany týraly ýákіlettі organdarǵa belgіlengen merzіmde habarlamaǵan;
-
9 adam shetel azamaty mártebesіne ótkenіne qaramastan, Qazaqstan azamatynyń jeke kýálіgі men pasportyn paıdalanýdy jalǵastyrǵan.
Polıtsııa bul máselede Óskemen qalasynyń 64 jastaǵy turǵynyn mysal retіnde keltіrdі.
Zeınetker basqa memlekettіń azamattyǵyn alǵanymen, Qazaqstan qujattaryn tapsyrý mіndetіn oryndamaǵan. Kóshі-qon qyzmetіnіń tekserýі kezіnde onyń Qazaqstan azamatynyń pasporty tárkіlenіp, azamattyǵy toqtatylǵan.
Polıtsııa azamattarǵa Qazaqstanda qos azamattyqqa jol berіlmeıtіnіn taǵy bіr márte eskerttі.
Eger azamat basqa memlekettіń pasportyn alsa, ol zańda belgіlengen merzіm іshіnde bul týraly kóshі-qon qyzmetіne habarlap, Qazaqstan azamatynyń jeke basyn kýálandyratyn qujatyn tapsyrýǵa mіndettі.
Material avtory
