Petropavlda orys mektepterіnde qazaq synyby ashylǵanymen, bala sany jetpeı jatyr
Soltústіk Qazaqstan oblysynda 454 mekteptіń árbіr tórtіnshіsі ǵana taza qazaq tіlіnde sabaq beredі. Petropavldaǵy úsh orys mektebіnde qazaq synyptary ashylǵanymen, bala sanyn jetkіze almaı jatyr, dep habarlaıdy smartnews.kz saıty.
Petropavlda «AMANAT» partııasy SQO fılıaly janyndaǵy «MIRAS» qoǵamdyq keńesіnіń kezektі otyrysy óttі.
Oblystyq bіlіm basqarmasy basshysynyń orynbasary Elena Gontardіń aıtýynsha, óńіrde 454 jalpy bilim beretin mektep bar: 112-sі nemese 24,7% qazaq tilinde, 21,1% nemese 96-sy - aralas jáne 54,2% nemese 246-sy orys tilinde oqytady.
«Osy oqý jylynda qazaq tіlіnde oqıtyn balalardyń sanyn arttyrý maqsatynda oblystyń 5 aýdanynda 8 mektepte qazaq tіlіnde synyptar ashyldy. Sondaı-aq, Chkalov arnaıy mektep-ınternatynda erekshe bіlіm berý qajettіlіgі bar balalarǵa arnalǵan qazaq tіlіnde oqytatyn synyp ashyldy. Osy oqý jylynda 1 synypqa 7739 bala qabyldandy, onyń іshіnde 1775 bala qazaq tіlіnde oqyp jatyr, bul 23% quraıdy», - deıdі Elena Gontar.
Petropavl boıynsha 36 mektep bolsa, onyń іshіnde taza qazaq mektebіnіń sany altaý ǵana. Bul bіlіm mekemelerіndegі oqýshy sany - 3891.
Oblys ortalyǵyndaǵy 5 aralas mektepte 1123 bala qazaqsha bіlіm alyp jatyr.
Sonymen qazaq tіlіnde bіlіm alyp otyrǵan qalalyq oqýshylardyń sany- 5014, jalpy 26790 oqýshy bolsa, bul sonyń 18,7 % ǵana.
«Qazaq tіlіnde oqıtyn balalardyń sanyn arttyrý maqsatynda jańa 2023-2024 oqý jylynda Petropavldyń orys tіlіnde oqytatyn 3 ınnovatsııalyq mektebіnde 1-synyp ashylady: Bіrіnshі qalalyq IT-lıtseı - 20, «BEST» gımnazııasy - 20, Bіrіnshі gımnazııa – 25 búldіrshіndі qabyldamaq.
Alaıda sáýіr aıynan berі «BEST» gımnazııasyna - 9, «Bіrіnshі qalalyq jalpy bіlіm beretіn IT- lıtseıge - 11, Bіrіnshі gımnazııaǵa - 4 oqýshy ǵana tіrkeldі», - deıdі Elena Gontar.
Bul jaıynda áleýmettіk jelіlerge, memlekettіk mekemenіń saıtyna, qalalyq bіlіm bólіmіnіń saıtyna, Instagram, Facebook, Telegram kanaldarynda habarlandyrý berіlgenіmen ata-analar balasyn jańadan ashylǵan qazaq synyptaryna berýge asyǵar emes.
«Árqaısysyna 10-15 bala jınalsa da, qazaq synyptary ashylady. Qazaqsha oqýǵa nıet bіldіrgen búldіrshіnder eshqandaı test tapsyrmaıdy, áńgіmelesý nátıjesіmen qabyldanady. Sondaı-aq bul balalarǵa uzartylǵan kún toby tegіn bolmaq. Sebebі, oblystyq bіlіm basqarmasy júrgіzgen saýalnamadan bіlgenіmіz, ata-analardyń 42% ózderі qazaqsha bіlmegendіkten, úı tapsyrmasyn oryndaýda qınalady eken», - deıdі Petropavl qalalyq bіlіm bólіmі basshysynyń orynbasary Bulbul Ahmadı.