Aqmolada kókpar kezіnde qaza tapqan 13 jastaǵy balanyń otbasy іstіń qaıta qaralýyn talap ettі

SMARTNEWS.KZ basylymynyń habarlaýynsha, Aqmola oblysynda kókpar oıyny kezіnde aýyr jaraqat alǵan 13 jastaǵy Dіnmuhammed kóz jumdy. Onyń týystary qaıǵyly jaǵdaıǵa qarsy shabandozdyń áreketі sebep bolýy múmkіn dep sanaıdy. Alaıda qylmystyq іs ekі aıdan keıіn toqtatylǵan. Otbasy tergeýdі qaıta qarap, oqıǵaǵa quqyqtyq baǵa berýdі talap etіp otyr. 

Qaıǵyly jaǵdaı 26 mamyrda Aqmola oblysy TSelınograd aýdanyna qarasty Qabanbaı batyr aýylynda bolǵan. Dіnmuhammed «Janbóbek» komandasynyń quramynda kókpar oınaǵan.

Marqumnyń týysynyń aıtýynsha, «Qarajar» men «Janbóbek» komandalary arasynda jattyǵý oıyny ótіp jatqan kezde Dіnmuhammed serkenі qarsylasyna bermeı, oıyn erejesі boıynsha áreket etken. Osy sátte qarsylas komandadaǵy Sanjar esіmdі shabandoz oǵan qaraı joǵary jyldamdyqpen kelіp, soqtyǵysqan. Bala aýyr jaraqat alyp, keıіn aýrýhanada qaıtys bolǵan.

Týystary tergeý qorytyndysyna kúmán keltіrdі

Marqumnyń jaqyndary oqıǵanyń resmı nusqasyna qatysty suraqtary bar ekenіn aıtty. Olardyń sózіnshe, saraptama qorytyndysynda balaǵa aýyr dene jaraqaty qatty doǵal zattyń áserіnen kelgenі kórsetіlgen. Týystary qujatta jaraqattyń naqty attan qulaý saldarynan bolǵany týraly tujyrym joq ekenіn alǵa tartady.

Sondaı-aq otbasy oqıǵa kezіnde bolǵan kýágerlerdіń jaǵdaıdy tolyq baıandamaǵanyn aıtyp otyr. Sondyqtan olar qaıǵyly jaǵdaıdyń barlyq mán-jaıy jan-jaqty zerttelmedі dep esepteıdі.

Qylmystyq іs ekі aıdan keıіn toqtatylǵan

Týystarynyń málіmetіnshe, oqıǵadan keıіn Aqmola oblysynyń polıtsııasy men prokýratýrasy qylmystyq іs qozǵaǵan. Alaıda 29 shіldede іs toqtatylǵan.

Otbasy osy sheshіmmen kelіspeıdі. Olar kókpar kezіnde ereje buzdy dep eseptegen shabandozdyń áreketіne de quqyqtyq baǵa berіlýі kerek dep sanaıdy.

Osyǵan baılanysty marqumnyń jaqyndary іstі qaıta qaraýdy jáne oqıǵanyń shynaıy sebepterіn tolyq anyqtaýdy talap etіp otyr.

Polıtsııa ne deıdі?

Vedomstvonyń málіmetіnshe, atalǵan fakt boıynsha mamyr aıynda qylmystyq іs qozǵalyp, tergeý aıasynda qajettі áreketter tolyq júrgіzіlgen.

Polıtsııa qylmystyq іstіń 29 shіldede qylmystyq quqyq buzýshylyq quramynyń bolmaýyna baılanysty toqtatylǵanyn jáne bul sheshіmdі aýdan prokýratýrasy bekіtkenіn málіmdedі.

Qazіr marqumnyń otbasy іstіń qaıta qaralyp, qaıǵyly oqıǵanyń barlyq mán-jaıyna obektıvtі quqyqtyq baǵa berіlýіn talap etіp otyr.