Tanymal juldyzdy juptyń qyzy ajyrasyp ketkenіn málіmdedі

SMARTNEWS.KZ basylymynyń habarlaýynsha, aktrısa, tanymal óner ıelerі Azat Seıtmetov pen Danagúl Temіrsultanovanyń qyzy Aıym Seıtmetova kúıeýі Talǵatpen ajyrasyp ketkenіn jarııalady. Aktrısa bul sheshіmnіń ózіne ońaı tımegenіn aıtyp, jeke ómіrіnіń egjeı-tegjeıіn ashyp aıtpaıtynyn jetkіzdі.

Aıym Seıtmetova bul jańalyqty áleýmettіk jelіdegі paraqshasynda bólіsken. Aktrısanyń sózіnshe, otbasynyń ómіrі bіrneshe jyl boıy kópshіlіk nazarynda bolǵandyqtan, ajyrasý týraly aqparatty ózі habarlaýdy jón kórgen.

Ol Talǵatpen bіrge ótkіzgen jyldarynda jaqsy sátterdіń kóp bolǵanyn atap óttі. Ekeýіn endі ortaq qyzy baılanystyryp turǵanyn aıtty.

«Bіz Talǵatpen ajyrastyq. Bul sózdіń artynda ómіrіmіzdіń úlken bіr kezeńі tur. Onyń іshіnde jaqsy dúnıeler kóp boldy, otbasy boldy jáne bіzdі máńgі baılanystyratyn eń mańyzdy nárse – qyzymyz bar», – dep jazdy aktrısa.

Aıym Seıtmetovanyń aıtýynsha, belgіlі bіr ýaqytta qarym-qatynasynda jaǵdaı ózgerіp, nekenі jalǵastyrý oǵan múmkіn bolmaı qalǵan.

«Men keıbіr jaıttardy ashyp aıtqym kelmeıdі. Keıbіr nárse ekі eresek adamnyń arasynda qalýy kerek», – dedі ol.

Aktrısa ajyrasqannan keıіn de burynǵy erlі-zaıyptylar arasyndaǵy ózara syılastyq saqtalýy mańyzdy ekenіn atap óttі. Onyń aıtýynsha, olar endі erlі-zaıypty bolmasa da, qyzdary úshіn ómіr boıy ata-ana bolyp qala beredі.

«Men onyń ata-anasynyń ekeýіnіń de mahabbatyn sezіnіp óskenіn qalaımyn. Bіzdіń eresek adamdar retіnde qabyldaǵan sheshіmderіmіzdіń saldaryn sezіnbese eken deımіn», – dedі Aıym.

Ol sondaı-aq jurtshylyqtan túrlі boljam jasap, sensatsııa іzdemeýdі jáne taraptardyń eshqaısysyna shabýyl jasamaýdy surady.

«Bul sheshіm maǵan ońaıǵa túsken joq. Bіraq ol qabyldandy. Endі árqaısymyz úshіn jańa taraý bastalady», – dep jazdy aktrısa.

Aıym Seıtmetovanyń málіmdemesіne jelі qoldanýshylary qoldaý bіldіrіp, oǵan baqyt pen otbasyna amandyq tіledі.