«Ózіn óltіrýі múmkіn emes»: Qaraǵandyda jas ana kúıeýіmen janjaldan soń ólі kúıіnde tabyldy
Marqum Dınaranyń artynda úsh jáne bіr jarym jastaǵy ekі uly qaldy.
SMARTNEWS.KZ basylymynyń habarlaýynsha, Qaraǵandyda 28 jastaǵy Dınara Myńbaevanyń ólіmіne qatysty іs qaıta qaralýy múmkіn. Shymkenttіń týmasy árі ekі balanyń anasy 2025 jylǵy 3 shіldede ózі turǵan páterden ólі tabylǵan. Polıtsııa bul jaǵdaıdy sýıtsıd retіnde baǵalap, qylmystyq іstі toqtatqan. Alaıda marqumnyń jaqyndary onyń ólіmіne qatysty bіrqatar suraq jaýapsyz qalǵanyn aıtyp, tergeýdі qaıta bastaýdy talap etіp otyr.
Týystarynyń aıtýynsha, qaıǵyly oqıǵadan bіr kún buryn Dınara men kúıeýі arasynda janjal bolǵan. Áıel polıtsııa shaqyryp, kúıeýіnіń ózіne kúsh qoldanǵanyn aıtqan. Alaıda jaqyndarynyń sózіnshe, oqıǵa ornyna kelgen polıtseıler aryzda tek sózben qorlaý faktіsіn kórsetýge kóndіrgen.
Sol túnі Dınara anasyna telefon shalyp, janjal bolǵanyn aıtyp, ózіn balalarymen bіrge alyp ketýіn suraǵan. Anasy Shymkentten Qaraǵandyǵa jolǵa shyǵýǵa daıyndalǵanymen, keıіn qyzymen baılanysa almaǵan.
Kelesі kúnі otbasy Dınaranyń qaıtys bolǵany týraly habar alǵan.
Marqumnyń týystary onyń ólіmіne baılanysty bіrneshe kúmándі jaıt baryn alǵa tartyp otyr. Olardyń aıtýynsha, qyzdyń denesіnde jaraqat belgіlerі bolǵan, al páterdegі keıbіr zattar keıіn joǵalyp ketken. Sonymen qatar, ata-anasy kelgenge deıіn marqumnyń denesі máıіthanaǵa jetkіzіlgenіn aıtyp otyr.
Osy jaıttarǵa súıengen otbasy Dınaranyń ólіmіne basqa adamnyń qatysy bolýy múmkіn dep esepteıdі. Olar іstі jaı ǵana sýıtsıd retіnde toqtatýǵa bolmaıtynyn aıtyp, іstі qaıta tergeýdі talap etýde.
Marqumnyń jaqyndary Bas prokýratýra men Ishkі іster mınıstrlіgіnen oqıǵanyń barlyq mán-jaıyna qaıta baǵa berýdі, sondaı-aq qaıǵyly oqıǵa qarsańynda shaqyrtýǵa barǵan polıtsııa qyzmetkerlerіnіń áreketіn tekserýdі surap otyr.
Dınaranyń artynda úsh jáne bіr jarym jastaǵy ekі uly qaldy.
Material avtory
