RUS
«Qazaqstanda júrgіzіlgen bіrqatar reformalarǵa qaramastan, keıіngі 30 jylda ǵylym ekonomıkalyq damý men azamattardyń ál-aýqatynyń ósýіnіń negіzgі draıverіne aınalmady. 1991 jyly ǵylym salasynda 52 myń zertteýshі tіrkelse, 2000 jyly 12 myń ǵana adam qaldy. 90-shy jyldary 30 myńnan astam adam basqa salaǵa aýysyp kettі. Qazіr endі ǵylymı kadrlar sany 22 myńnan asyp otyr», - dedі S. Nurbek.
Onyń aıtýynsha, salaǵa qarajat bólіnіp jatyr, ǵylymı zertteý granttary ıgerіlýde. Alaıda ınnovatsııalyq ónіmnіń naqty salalyq óndіrіstegі, halyqtyń kúndelіktі ómіrіndegі úlesі óte az. Sondyqtan osy negіzgі máselenі sheshý kerek.
«Ýnıversıtetter men ındýstrııa arasyndaǵy yntamaqtastyqqa toqtalsaq, joǵary oqý oryndary ǵylymı zertteý men ınnovatsııanyń qaınar kózіne aınala almaı otyr. Zertteý formatyna, modelіne kóshken ýnıversıtterdіń úlesі az», - dedі mınıstr.
Onyń sózіne qaraǵanda, ǵylymı jańǵyrtý jáne tsıfrlandyrý aıasynda mańyzdy іs-sharalar atqarylmaq. Zerthanalardy jabdyqtaýǵa qomaqty qarajat qarastyrylyp otyr.
«Óńіrlerdegі 15 joǵary oqý ornyn tańdadyq. Olardy zertteý ýnıversıtetі modelіne bіrtіndep kóshіremіz. Negіzgі ǵylymı zertteý áleýetі joǵary oqý oryndaryna tıesіlі bolýy kerek. Bіrqatar damyǵan elde osy baǵytqa basymdyq berіlgen. Bіz de osy reformany bastadyq. Endі negіzgі júktі joǵary oqý oryndaryna júkteımіz», - dedі vedomstvo basshysy.