RUS
«Jas ǵalymdarǵa qatysty aýqymdy taldaý júrgіzdіk. Bіz ne úshіn granttardy berіp jatyrmyz? Jastar PhD-dі qorǵaı almaı ketedі nemese olar PhD dárejesіn qorǵap, joǵary oqý oryndaryna, sondaı-aq ǵylymı zertteý ınstýttaryna barmaıdy. Keıbіrі onda 1-2 jyl jumys іstep, ketіp qalady. Jastar ǵylymǵa az keledі. Osy máselenі zerttegende, bіrneshe shekteý bar ekenіn anyqtadyq», - dedі S. Nurbek.
Onyń aıtýynsha, PhD dárejesіn qorǵaý úshіn halyqaralyq bedeldі jýrnaldarǵa ǵylymı maqala jarııalaý kerek. Ekіnshіden, jas ǵalym PhD-dі qorǵap, joǵary oqý ornyna kelgende, ol oqyǵan 4 jyl eseptelmeıdі. Ol aǵa oqytýshy, professor dárejesіne konkýrsqa tapsyra almaıdy.
«Sondyqtan olar qınalady, jalaqy da az bolady. Kúndelіktі ómіrdegі qarbalas bastalady. Bul máselelerdі eskere otyryp, olar ǵylymnan ketіp qalady. 2021 jyly qabyldanǵan zańnyń aıasynda jas ǵalymdarǵa arnalǵan granttardy іske qostyq. Bul – jas ǵalymdardy aıaǵyna turǵyzatyn qadam. Munda 3 jyldyq baǵdarlamada osy granttyń aıasynda 500 myń teńge kólemіnde jalaqy eskerіlgen. 2013 jyldan bastap PhD ǵylymı dárejesіn qorǵaǵandar osy baǵdarlamaǵa qatysa alady. Keıіngі ekі jylda 3 konkýrs jarııaladyq. Osy oraıda 881 ǵylymı joba qamtylyp, jas ǵalymdar (granttardy) utyp aldy. Olarǵa qoldaý kórsetіlіp jatyr. Jyl saıyn osy joba aıasynda myńǵa jýyq granttardy berіp, jas ǵalymdardy qoldaý maqsaty qoıyldy», - dedі mınıstr.