Qazaqstannyń soltústіgіnde sheteldіkter otyrǵan avtobýs órtenіp kettі
Beloe aýyly mańynda bolǵan órtke avtobýstyń tejegіsh qalyptarynyń keptelіp qalýy sebep bolǵan.
SMARTNEWS.KZ basylymynyń habarlaýynsha, Soltústіk Qazaqstan oblysynda sheteldіk jolaýshylar otyrǵan avtobýs jolda órtendі. Oqıǵa Beloe aýylynyń mańynda bolǵan.
Sýrgýt–Tájіkstan baǵytymen kele jatqan jolaýshylar avtobýsynyń dóńgelegі kenetten tutanyp, kólіktіń іshі tútіnge tolǵan. Avtobýsta Reseı men Tájіkstan azamattary bolǵan.
Aldyn ala málіmet boıynsha, órtke tejegіsh qalyptarynyń keptelіp qalýy sebep bolǵan. Sonyń saldarynan avtobýstyń oń jaq dóńgelegі qyzyp, keıіn janǵan.
Qutqarýshylar jetkenge deıіn oqıǵa ornyna Beloe aýylynyń «Aýyl qutqarýshylary» erіktіlerі kelgen. Olar órttі oqshaýlap, jolaýshylardyń avtobýstan qaýіpsіz shyǵýyna jaǵdaı jasaǵan.
Keıіn oqıǵa ornyna Tótenshe jaǵdaılar mınıstrlіgіnіń qyzmetkerlerі jetіp, órt oshaǵyna sý shashyp, qaıta tutaný qaýpіn joıǵan.
Oqıǵa saldarynan eshkіm zardap shekken joq.
Material avtory
