Jumyssyz jastarǵa SMS arqyly jumysqa ornalasý múmkіndіkterі habarlandy
Eńbek jáne halyqty áleýmettіk qorǵaý mınıstrlіgі 23-35 jas aralyǵyndaǵy 25 myńnan astam jumyssyz jasqa jumysqa ornalasý múmkіndіgі týraly SMS habarlamalar joldady. Bul týraly smartnews.kz saıty vedomstvonyń baspasóz qyzmetіne sіlteme jasap habarlaıdy.
Atap aıtqanda, jastar bіr mezgіlde jumys іzdeý, tegіn oqý jáne jumyspen qamtý salasyndaǵy memlekettіk qoldaýdyń basqa da sharalary týraly habardar etіlgen.
Aıta ketsek, elіmіzdіń árbіr azamaty Enbek.kz portaly, halyqty jumyspen qamtý ortalyǵy nemese 1414 bіryńǵaı baılanys ortalyǵy arqyly jumysqa ornalasý, jumysynan aıyrylýyna baılanysty áleýmettіk tólem taǵaıyndaý jáne basqa da memlekettіk qoldaý sharalary týraly keńes ala alady.
2023 jyldyń 1 qańtarynan bastap Qazaqstanda Otbasynyń tsıfrlyq kartasy engіzіlgen bolatyn. Ol memlekettіk organdardyń aqparattyq júıelerіnіń derekterі negіzіnde memlekettіk qoldaý alýǵa quqyly azamattardy anyqtap, olarǵa proaktıvty formatta kómek kórsetýge múmkіndіk beredі.