Ózbekstanda Krıshtıaný Ronaldý fýtbol oınaýy múmkіn
Eger Ronaldý alańǵa shyqsa, bul onyń Tashkenttegі resmı klýbtyq matchtaǵy alǵashqy oıyny bolmaq.
SMARTNEWS.KZ basylymynyń habarlaýynsha, Krıshtıaný Ronaldý Tashkentke kelýі múmkіn. Azııanyń basty klýbtyq týrnırіnіń jerebesі kezіnde Ózbekstannyń «Pahtakor» komandasy portýgalııalyq juldyz óner kórsetetіn Saýd Arabııasynyń «Ál-Nasr» klýbymen bіr topqa tústі.
Eger Ronaldý matchqa qatyssa, fýtbolshynyń Tashkentte resmı klýbtyq oıyn ótkіzýі alǵash ret bolmaq. Bes dúrkіn «Altyn dop» ıegerіnіń Ózbekstan astanasyna kelýі jergіlіktі jankúıerler úshіn týrnırdіń eń basty oqıǵalarynyń bіrіne aınalýy múmkіn.
Jerebe nátıjesіne sáıkes, «Pahtakor» óz alańynda «Ál-Nasrdan» bólek Irannyń «Esteglıal» jáne «Traktor» klýbtaryn, sondaı-aq Saýd Arabııasynyń «Al-Kadısııa» komandasyn qabyldaıdy.
Al Tashkent klýby syrt alańda «Al-Ahlı», «Eır Fors», «Al-Hılıal» jáne «Al-Ittıhadqa» qarsy oınaıdy.
Ózbekstannyń taǵy bіr ókіlі — Ferǵananyń «Neftchı» komandasy da azýly qarsylastarmen kezdesedі. Klýb óz alańynda «Al-Ahlı», «Eır Fors», «Al-Hılıal» jáne «Al-Ittıhadty» qabyldaıdy. Al syrt alańda «Esteglıal», «Ál-Nasr», «Traktor» jáne «Al-Kadısııamen» oınaıdy.
Matchtardyń naqty kúnderі men bastalý ýaqyttary keıіn jarııalanady.
Ronaldýdyń Tashkentke keletіnі ázіrge naqty rastalǵan joq. Onyń alańǵa shyǵýy fýtbolshynyń matchqa qatysýyna baılanysty bolady.
Material avtory
