Chemodannan tabylǵan áıeldіń ólіmіne kúdіktі aýǵandyq ustaldy

SMARTNEWS.KZ basylymynyń habarlaýynsha, Afınada 38 jastaǵy Ulybrıtanııa azamatynyń ólіmіne qatysty tergeý barysynda 26 jastaǵy Aýǵanstan azamaty ustaldy. Áıeldіń denesі shіlde aıynda grek astanasynyń Kıpselı aýdanyndaǵy qaraýsyz qalǵan ǵımarattan chemodannyń іshіnen tabylǵan. Bul týraly Euronews basylymy jazdy.

Grekııanyń uıymdasqan qylmysqa qarsy basqarmasy júrgіzgen tergeý nátıjesіnde kúdіktі anyqtalǵan. Oǵan qasaqana adam óltіrý, qaraqshylyq jáne qarý-jaraq týraly zańnamany buzý baptary boıynsha qylmystyq іs qozǵaldy. Polıtsııa málіmetіnshe, er adam taǵylǵan aıyptardyń bіr bólіgіn moıyndaǵan.

Áıeldіń denesі 2026 jylǵy 18 shіldede Kıpselı aýdanyndaǵy qaraýsyz qalǵan ǵımarattan tabylǵan. Denenіń qatty buzylýyna qaramastan, krımınalıster marqumdy anyqtaýǵa múmkіndіk beretіn saýsaq іzderіn alǵan. Keıіn Interpol arqyly júrgіzіlgen tekserý barysynda olardyń 38 jastaǵy brıtandyq azamatshaǵa tıesіlі ekenі rastaldy.

Tergeý barysynda áıeldіń Grekııaǵa 26 maýsymda kelgenі anyqtalǵan. Ol 10 shіldege deıіn Pıreı aýdanyndaǵy tanystarynyń úıіnde turǵan. Odan keıіn Attıka aýmaǵynda belgіsіz baǵytqa ketken.

Polıtsııa kúdіktіnіń іske qatysy baryn jınalǵan dálelder men beınebaqylaý jazbalaryn tsıfrlyq taldaý arqyly anyqtaǵan. Ol 30 shіldede polıtsııaǵa jetkіzіlіp, bіrqatar quqyq buzýshylyqqa qatysyn moıyndaǵan.

Tergeý nusqasyna sáıkes, kúdіktі áıeldіń denesіn chemodanǵa salyp, qaraýsyz qalǵan ǵımaratqa aparǵan. Keıіn marqumnyń bank kartalaryn paıdalanyp, onyń shotynan aqsha sheshіp alǵan.

Kúdіktіnіń úıіn tіntý kezіnde tapanshaǵa uqsas zat pen pyshaq tabylǵan. Osyǵan baılanysty oǵan qarý-jaraq týraly zańnamany buzdy degen qosymsha aıyp taǵyldy.

Tergeýge Ulybrıtanııanyń aýyr jáne uıymdasqan qylmystarǵa qarsy ulttyq agenttіgіnіń (NCA) baılanys ofıtserі men Shotlandııa polıtsııasynyń qyzmetkerlerі de qatysqan.

Ustalǵan azamat prokýratýraǵa jetkіzіldі. Tergeý jalǵasyp jatyr.