20 jastaǵy Dılnazdyń ólіmі: anasy qylmystyń ádіl baǵalanýyn talap ettі
Qyzyn jalǵyz ósіrgen ana ádіldіk іzdep, marqumnyń ólіmіne qatysty tyń málіmdeme jasady.
SMARTNEWS.KZ basylymynyń habarlaýynsha, Abaı oblysynyń Borodýlıha aýylynda 20 jastaǵy Dılnaz Jýmagýlovanyń qaza bolýyna qatysty іs sot qaraýyna jіberіldі. Marqumnyń anasy áleýmettіk jelі arqyly vıdeoúndeý jasap, qyzynan aıyrylýyna baılanysty іstіń barlyq mán-jaıyn muqııat tekserіp, kúdіktіnіń áreketіne zań aıasynda tıіstі baǵa berýdі surady.
Áleýmettіk jelіde taraǵan vıdeoúndeýde áıel Dılnazdyń ózіne jalǵyz perzent bolǵanyn aıtyp, qyzynyń 13 shіldede qaza tapqanyn jetkіzdі. Onyń aıtýynsha, qyzǵa shabýyl jasalyp, aýyr jaraqattar salynǵan. Anasy qylmystyń barlyq obstoıatelstvosy tolyq zerttelіp, іstіń zań talaptaryna saı qaralýyn talap ettі.
Abaı oblysynyń polıtsııa departamentі 20 jastaǵy aýyl turǵynynyń ólіmі boıynsha sotqa deıіngі tergeý júrgіzіlgenіn habarlady. Kúdіktі polıtsııa qyzmetkerlerі tarapynan anyqtalyp, ustalǵannan keıіn ýaqytsha ustaý ızolıatoryna qamalǵan.
Vedomstvonyń málіmetіnshe, qazіrgі ýaqytta sotqa deıіngі tergeý aıaqtalǵan. Qylmystyq іs taraptary onyń materıaldarymen tanysyp jatyr.
Tergeý barysynda qajettі tergeý áreketterі men sot saraptamalarynyń keshenі júrgіzіlgen. Jábіrlenýshі taraptyń, onyń іshіnde kúdіktіnіń áreketіn quqyqtyq saralaýǵa qatysty ýájderі de qylmystyq іs materıaldaryna engіzіlіp, tıіstі quqyqtyq baǵasyn alǵan.
Polıtsııa kúdіktіnіń áreketіne berіletіn túpkіlіktі quqyqtyq baǵaǵa qatysty da túsіnіkteme berdі. Vedomstvonyń málіmdeýіnshe, jınalǵan dálelderge sońǵy baǵa berý jáne aıyptalýshynyń áreketіn naqty quqyqtyq saralaý — sottyń quzyretіndegі másele.
Osylaısha, іstіń túpkіlіktі sheshіmі sot talqylaýy barysynda anyqtalady. Marqumnyń anasy bolsa, qyzynan aıyrylǵan otbasy úshіn іstіń ádіl árі jan-jaqty qaralýyn talap etіp otyr.
Material avtory
