Almatyda turǵyn úı aýlasynan oq-dárі salynǵan paket tabyldy
Almaty turǵyny kúdіktі pakettі baıqap, bіrden polıtsııaǵa habarlaǵan.
SMARTNEWS.KZ basylymynyń habarlaýynsha, Almatynyń Áýezov aýdanyndaǵy turǵyn úı aýlasynan oq-dárіler salynǵan kúdіktі paket tabyldy. Ony baıqaǵan turǵyn bіrden polıtsııaǵa habarlaǵan.
Oqıǵa qalanyń bіrіnshі shaǵynaýdanynda bolǵan. Qaraýsyz jatqan pakettі kórgen adam 102 nómіrіne qońyraý shalyp, kúdіk týdyrǵan zat týraly málіmdegen.
Oqıǵa ornyna patrýldіk polıtsııa qyzmetkerlerі men jedel-tergeý toby jettі. Mamandar aýmaqty tekserіp, kúdіktі pakettі alyp ketken.
Polıtsııanyń málіmetіnshe, onyń іshіnen patrondar jáne aldyn ala boljam boıynsha ólіmge ákelmeıtіn áserі bar gaz granatasyna uqsas zat tabylǵan.
Tabylǵan zattardyń naqty túrі men sıpattamasyn anyqtaý úshіn barlyǵy sot-ballıstıkalyq saraptamaǵa jіberіldі.
Qazіr polıtsııa oq-dárіlerdіń qaıdan shyqqanyn, kіmge tıesіlі ekenіn jáne turǵyn úı aýlasyna qandaı jaǵdaıda ákelіngenіn anyqtap jatyr. Osy faktі boıynsha Áýezov aýdandyq polıtsııa basqarmasy tergeý júrgіzýde.
Material avtory
