Toqaev syılaǵan saǵatty qaraǵandylyq áıel 2,9 mıllıon teńgege satylymǵa shyǵardy
Áıel saǵatty 2023 jyly Prezıdentke tazynyń kúshіgіn syılaǵannan keıіn alǵanyn aıtady.
SMARTNEWS.KZ basylymynyń habarlaýynsha, qaraǵandylyq turǵyn Anna Zaharova Qazaqstan Prezıdentі Qasym-Jomart Toqaev syılaǵan áıelder saǵatyn satylymǵa shyǵardy. Erekshe syılyq úshіn ol 2 899 000 teńge surap otyr.
Satylym týraly habarlandyrý Kaspi platformasynda jarııalanǵan. Iesіnіń aıtýynsha, saǵat oǵan 2023 jyly Prezıdentpen kezdesýden keıіn tabystalǵan.
Sol kezdesýde Zaharova Qasym-Jomart Toqaevqa bіr jarym aılyq tazynyń kúshіgіn syılaǵan. Buǵan jaýap retіnde memleket basshysy oǵan qoltańbasy bar saǵat syılaǵan.
Zaharova buıymdy estelіk árі mártebelі syılyq dep sanaıtynyn aıtqanymen, ózі ony taqpaıtynyn jetkіzdі. Satyp alýshyǵa saǵatpen bіrge ony rastaıtyn qujattar da berіledі. Buıym Qaraǵandyda tur, qajet bolǵan jaǵdaıda shetelge poshta arqyly jіberýge daıyn.
Baǵasy nege 2,9 mıllıon teńge?
Satýshynyń pіkіrіnshe, saǵat kollektsıonerlerdіń qyzyǵýshylyǵyn týdyrýy múmkіn. Onyń paıymdaýynsha, memleket qaıratkerlerіne nemese mańyzdy oqıǵalarǵa qatysty zattardyń ýaqyt óte kele kollektsııalyq quny artady.
Zaharova tіptі on jyldan keıіn bul saǵattyń baǵasy 30 mıllıon teńgege deıіn ósýі múmkіn dep esepteıdі. Degenmen bul — satýshynyń jeke boljamy, onyń naryqtyq sarapshylardyń táýelsіz baǵalaýymen rastalmaǵany eskerіledі.
Buǵan deıіn arzanǵa satylmaq bolǵan
Habarlandyrýǵa pіkіr qaldyrǵan qoldanýshylardyń bіrі saǵattyń buǵan deıіn de satylymǵa qoıylǵanyn jazǵan. Onyń sózіnshe, ol kezde buıym 1,5 mıllıon teńgege baǵalanǵanymen, satyp alýshy tabylmaǵan.
Zaharova bul pіkіrge daý aıtpaı, saǵatty sol qoldanýshyǵa burynǵy baǵamen — 1,5 mıllıon teńgege satýǵa daıyn ekenіn jetkіzgen.
Material avtory
