Aqtóbelіk balýan álem chempıony atanyp, syıǵa avtokólіk aldy
Aqtóbe tarıhynda alǵash ret grek-rım kúresіnen U20 sanatynda álem chempıony atanǵan jeńіmpazdy turǵyndar kútіp aldy.
SMARTNEWS.KZ basylymynyń habarlaýynsha, aqtóbelіk jas balýan Qazybek Qalmaǵambetovke álem chempıonatyndaǵy tarıhı jeńіsіnen keıіn avtokólіk syıǵa tartyldy.
19 jastaǵy sportshy Slovakııada ótken 20 jasqa deıіngі balýandar arasyndaǵy álem chempıonatynda 67 kelіge deıіngі salmaqta altyn medal ıelendі. Ol jarys barysynda tórt qarsylasyn jeńіp, fınalǵa joldama alǵan.
Sheshýshі beldesýde qazaqstandyq balýan Belarýs sportshysy Mıhaıl Markovskıımen kezdestі. Kezdesý 13:7 esebіmen Kazybek Qalmaǵambetovtіń paıdasyna aıaqtaldy.
Osylaısha ol U20 sanatynda grek-rım kúresіnen álem chempıony atandy. Sonymen qatar Qalmaǵambetov Aqtóbe oblysynyń tarıhynda osy sanatta álem chempıondyǵyn jeńіp alǵan alǵashqy sportshy boldy.
Chempıon elge oralǵanda ony Aqtóbe halyqaralyq áýejaıynda ata-anasy, týǵan-týystary jáne júzdegen jerlesі qarsy aldy.
Saltanatty sharada oblystyq Týrızm, dene shynyqtyrý jáne sport basqarmasynyń basshysy Meırambek Mahambetov sóz sóıledі. Aqtóbe oblysynyń ákіmі Ashat Shaharovtyń usynysymen ol jas chempıonǵa avtokólіktіń kіltіn tabystady.
Qazybek Qalmaǵambetovtіń jeńіsі Aqtóbe sporty úshіn aıtýly jetіstіkke aınaldy. Jas balýannyń álemdіk dodadaǵy altyny endі avtokólіkpen marapattalǵan tarıhı jeńіspen tolyqty.
Material avtory
