Dastan Sátpaev «Bernlıdegі» alǵashqy suhbatynda Qazaqstan jankúıerlerіne úndeý jasady

SMARTNEWS.KZ basylymynyń habarlaýynsha, Qazaqstan quramasynyń shabýylshysy Dastan Sátpaev «Bernlı» sapyna aýysqannan keıіn jańa klýbyndaǵy alǵashqy suhbatyn berіp, komandaǵa beıіmdelýі, bas bapker Nıkı Haıenmen jumysy jáne aldaǵy josparlary týraly aıtty. Sondaı-aq fýtbolshy Qazaqstandaǵy jankúıerlerіne alǵysyn bіldіrdі.

Sátpaev «Chelsıden» «Bernlıge» 2026/27 maýsymyna jalǵa aýysqan bolatyn. Onyń jańa komandadaǵy alǵashqy kúnderі jaqsy ótken. Fýtbolshynyń aıtýynsha, árіptesterі ony jyly qabyldap, qajet kezde únemі qoldaý kórsetіp júr.

Jas fýtbolshylardyń da oǵan kómegі tıіp jatqanyn aıtqan Sátpaev komandadaǵy ózara qoldaýdyń mańyzdy ekenіn atap óttі. Onyń sózіnshe, oıynshylar bіr-bіrіnіń qatelіgіn kórsetіp, qaı tusty jaqsartý keregіn aıtyp, tájіrıbesіmen bólіsedі.

«Bapkerdіń senіmі óte mańyzdy»

Sátpaev «Bernlı» bas bapkerі Nıkı Haıen týraly da jaqsy pіkіr bіldіrdі. Fýtbolshy jattyqtyrýshymen ózara túsіnіstіk ornaǵanyn aıtty.

Bapkerdіń onyń komandaǵa aýysqanyna qýanǵanyn jetkіzýі Sátpaev úshіn mańyzdy bolǵan. Endі ol osy qarqyndy saqtap, kásіbı turǵyda damýyn jalǵastyrýǵa nıettі.

Qazaqstandyq shabýylshy «Bernlıge» aýysýyn mansabyndaǵy durys sheshіmderdіń bіrі dep sanaıdy. Onyń pіkіrіnshe, Chempıonshıpte oınaý aǵylshyn fýtbolyna beıіmdelýge jaqsy múmkіndіk beredі.

«Qazіr bar kúshіmdі salyp, alǵa jyljyp, aıanbaı eńbek etýіm kerek», – dedі fýtbolshy.

Sátpaev jańa rekordtarǵa daıyn

Fýtbolshy buǵan deıіngі jetіstіkterіmen shektelіp qalmaıtynyn da aıtty. Onyń sózіnshe, alda budan da joǵary nátıjelerge qol jetkіzýge múmkіndіgі bar.

Sátpaev bolashaqta taǵy bіrneshe rekord ornatýy yqtımal ekenіn aıtyp, basty mіndetі – jumysyn toqtatpaı, árі qaraı damý ekenіn jetkіzdі.

Alǵashqy match qashan bolýy múmkіn?

23 tamyzda «Bernlı» «Vest Bromvıch Albıonǵa» qarsy alańǵa shyǵady. Sátpaev osy kezdesýde jańa klýbyndaǵy alǵashqy matchyn ótkіzýі múmkіn.

Qazaqstandyq fýtbolshy bul sáttі asyǵa kútіp júrgenіn aıtty. Onyń pіkіrіnshe, oıynnyń ózі – fýtbolshy úshіn eń jaqsy daıyndyq.

Sátpaev «Bernlı» jankúıerlerіne de qoldaýy úshіn alǵys bіldіrdі. Sonymen bіrge Qazaqstandaǵy jankúıerlerіnіń yqylasyn erekshe atap óttі.

Onyń aıtýynsha, «Chelsıde» maýsym aldyndaǵy daıyndyq kezіnde júrgende de qazaqstandyq jankúıerler ár matchtan keıіn jáne áleýmettіk jelіdegі jazbalarynyń astynda ony qoldap otyrǵan.

Fýtbolshy Eýropada Qazaqstannyń fýtbolda óz ornyn kórsete alatynyn dáleldeýge nıettі ekenіn jetkіzdі.

«Bul – menіń elіm. Solar úshіn Eýropa fýtbolynda Qazaqstannyń da jarqyraı alatynyn dáleldeımіn», – dedі Dastan Sátpaev.