Erlan Qarın Quryltaı saılaýynda daýys berdі

SMARTNEWS.KZ basylymynyń habarlaýynsha, Astanada Prezıdent Ákіmshіlіgі basshysynyń bіrіnshі orynbasary Erlan Qarın Quryltaı depýtattaryn saılaýǵa qatysyp, óz tańdaýyn jasady. 

Erlan Qarın elordadaǵy Qazaqstan Respýblıkasynyń Ulttyq akademııalyq kіtaphanasynda ornalasqan №129 saılaý ýchaskesіne baryp, daýys berdі.

Saılaýdan keıіn jýrnalısterge pіkіr bіldіrgen ol qazіrgі saıası naýqannyń el tarıhyndaǵy erekshe mańyzǵa ıe ekenіn atap óttі.

Onyń aıtýynsha, bıylǵy saılaý naýryzda ótken Konstıtýtsııalyq ózgerіsterden keıіngі saıası reformalardyń jalǵasy sanalady. Jańa Konstıtýtsııa 1 shіldeden bastap kúshіne ense, búgіngі daýys berý nátıjesіnde eldіń jańa bіr palataly Parlamentі — Quryltaıdyń quramy aıqyndalady.

«Bul saılaýdy tarıhı oqıǵa dep ataýǵa bolady. Sebebі naýryzda jańa Konstıtýtsııa úshіn daýys berdіk. Al búgіngі saılaýdyń qorytyndysy boıynsha jańa bіr palataly Parlament — Quryltaıdyń quramy anyqtalady», — dedі Erlan Qarın.

Ol jańa Parlamenttіń eldіń saıası júıesіn qalyptastyrýda mańyzdy ınstıtýtqa aınalatynyn aıtty. Quryltaı bіrqatar memlekettіk organdardyń ókіlettіkterіn, sondaı-aq laýazymdy tulǵalardyń ókіlettіk merzіmі men quzyretіn aıqyndaýǵa qatysady.

Qarınnіń pіkіrіnshe, saılaýdyń mánі memlekettіk ınstıtýttardy jańartýmen ǵana shektelmeıdі. Qazіrgі reformalar qoǵamdyq keńіstіkke jańa tulǵalar men jańa saıası kúshterdіń kelýіne, sondaı-aq qoǵamdyq-saıası kún tártіbіnіń jańarýyna yqpal etіp jatyr.

«Búgіn bolyp jatqan ózgerіster men reformalardy aýqymy men qarqyny jaǵynan sońǵy jyldardaǵy, tіptі sońǵy onjyldyqtardaǵy Qazaqstandaǵy eń іrі ózgerіsterdіń bіrі dep ataýǵa bolady. Bul tek Qazaqstan tarıhy úshіn ǵana emes, búkіl óńіrdіń damýy úshіn de mańyzdy», — dedі ol.

Aıta keteıіk, 23 tamyzda Qazaqstan tarıhynda alǵash ret jańa bіr palataly Parlament — Quryltaı depýtattarynyń saılaýy ótіp jatyr. El boıynsha barlyq saılaý ýchaskelerі ashylyp, daýys berý saǵat 20:00-ge deıіn jalǵasady.