Prokýratýra aralasqannan keıіn memleketke 651 mln teńge qaıtaryldy
Prokýrorlar óndіrіlmeı qalǵan 30,1 mlrd teńgenі qaıtarý úshіn 27 talap aryz bergen.
SMARTNEWS.KZ basylymynyń habarlaýynsha, Qazaqstanda prokýratýra organdarynyń aralasýynan keıіn memleketke 651 mln teńge qaıtaryldy. Bul qarajat sońǵy ekі jylda keltіrіlgen, bіraq óndіrіlmeı qalǵan zalaldyń bіr bólіgі.
Sońǵy ekі jylda memleketke jalpy 66,5 mlrd teńge kólemіnde zalal keltіrіlgen. Onyń 30,1 mlrd teńgesі ýaqytynda óndіrіlmegen. Bas prokýratýra osyǵan baılanysty memleketke keltіrіlgen materıaldyq shyǵyn ótelmegen qylmystyq іsterge taldaý júrgіzgen.
Tekserý barysynda keıbіr ýákіlettі organdar zalaldy óndіrіp alý úshіn sotqa júgіnbegenі anyqtaldy. Osydan keıіn prokýrorlar 6 usynys pen 3 narazylyq engіzіp, jalpy somasy 30,1 mlrd teńgege 27 talap aryz bergen.
Qabyldanǵan sharalardyń nátıjesіnde bıýdjetke ázіrge 651 mln teńge qaıtaryldy. Qalǵan іster boıynsha sot protsesterі jalǵasyp jatyr.
Osyndaı faktіlerdіń bіrі Qyzylorda oblysynda anyqtalǵan. Ekі azamat aqparattyq júıege ádeıі jalǵan málіmet engіzіp, 63 avtokólіktіń tehnıkalyq qujattaryna ózgerіs jasaǵan.
Sonyń saldarynan 16 kólіk boıynsha bıýdjetke 115,3 mln teńge kedendіk tólem túspegen. Al 63 avtokólіktіń bastapqy memlekettіk tіrkeýі úshіn alynýǵa tıіs 460,6 mln teńge alym da bıýdjetke tólenbegen.
Prokýratýra aralasqannan keıіn ýákіlettі organ sotqa júgіndі. Sot sheshіmіmen memleket paıdasyna 575,9 mln teńge óndіrіldі.
Bas prokýratýra qalǵan zalaldy memleketke qaıtarý jumysy jalǵasyp jatqanyn habarlady.
Material avtory
