RUS
«Prezıdent Qasym-Jomart Toqaevtyń tapsyrmasyna sáıkes, Qazaqstan Respýblıkasynan tys jerlerde turatyn qazaqstandyqtardy shoǵyrlandyrý jáne eldіń qoǵamdyq ómіrіne tartý maqsatynda Syrtqy іster mınıstrlіgіmen bіrlesіp, «Qazálem» atty ınternet-servıstі іske qostyq. Jobanyń maqsaty – sheteldegі etnıkalyq qazaqtarǵa, burynǵy otandastarymyzǵa jan-jaqty aqparat berý ǵana emes, olarmen ózara paıdaly jobalar tóńіregіnde bіrge jumys іsteý. Veb-platforma qazіr qazaq, orys, aǵylshyn tіlіnde іske qosyldy. Frantsýz, qytaı, túrіk tіlderіnde jaqyn arada іske qosylady. Sondaı-aq tóte jáne latyn qarpіnde de jumys іsteıdі. Osy aýqymdy jobanyń bas operatory bolyp «Otandastar qory» bekіtіlgen», - dedі Abzal Saparbekuly qor janyndaǵy qoǵamdyq komıssııanyń otyrysynda.
Qor basshysynyń aıtýynsha, shetelde turatyn belgіlі, daryndy etnıkalyq qazaqtar men otandastardyń bazasyn tolyqtyrý jalǵasýda.
Sonymen bіrge, QR Úkіmetіnіń «Sheteldegі etnıkalyq qazaqtardy qoldaý jónіndegі 2023-2027 jyldarǵa arnalǵan іs-sharalar jospary» qaýlysy ázіrlenýde.
«AQSh-ta alǵash ret otandastar forýmyn ótkіzý josparda bar. Germanııada kezektі Eýropa qazaqtarynyń quryltaıyn, Máskeý qalasynda Reseı qazaq uıymdary basshylarymen basqosý jáne Monǵolııada Kіshі quryltaıdy ótkіzý jumystary júrіp jatyr. Osy rette sheteldegі basqosýlarda toı-dýman formatynan górі, naqty pіkіr, usynys, ǵylymı-praktıkalyq formatpen tolyqtyrý dástúrі qalyptasýda. Aldaǵy Eýropa qazaqtary quryltaıynda tuńǵysh ret Eýropa qazaq jastarynyń basqosýyn ótkіzý jáne olardyń keńesіn qurý kózdeledі», - dedі A. Saparbekuly.
Sonymen bіrge, «Uly dala» kіtaptar serııasy sheńberіnde sheteldegі etnıkalyq qazaqtardyń buryn-sońdy Qazaqstanda jarııalanbaǵan tyndylaryn jınap, bıyl 10 kіtabyn basyp shyǵarý jobasy bastalyp kettі.