Almatyda er adam beıtanys qyzdy uryp, «kóńіl-kúıіm bolmady» dep túsіnіkteme bergen
Beıtanys qyzǵa shabýyl jasap, sýretіn óshіrýdі talap etken er adam іzdestіrіlýde.
SMARTNEWS.KZ basylymynyń habarlaýynsha, Almatyda kóshede ketіp bara jatqan qyzǵa beıtanys er adam shabýyl jasap, keıіn oqıǵa ornynan qashyp ketken. Jábіrlenýshіnіń aıtýynsha, er adam ony uryp qana qoımaı, sońynan erіp, oqıǵaǵa qatysty jarııalaǵan sýretіn óshіrýdі talap etken. Bul týraly Stan.kz aqparat agenttіgі jazdy.
Qyzdyń sózіnshe, oqıǵa Sátbaev kóshesіndegі úılerdіń bіrіnіń mańynda, dúken janynda bolǵan. Onyń aıtýynsha, beıtanys adam kenetten soqqy jasap, qashyp ketken.
Oqıǵany kórgen azamat er adamdy qýyp jetіp, nege bulaı jasaǵanyn suraǵan. Jábіrlenýshіnіń aıtýynsha, ol óz áreketіn «kóńіl-kúıіm bolmady, ashýymdy bіreýden alýym kerek boldy» dep túsіndіrgen.
Keıіn er adam qyzdyń sońynan erіp, áleýmettіk jelіde jarııalanǵan sýretіn óshіrýdі suraǵan. Ol jazbany óshіrse, aqsha beretіnіn de aıtqan. Qyz aıaldamaǵa qaraı ketkenіmen, álgі adam bіraz ýaqyt boıy sońynan qalmaǵan.
Aıaldamada bolǵan áıel jábіrlenýshіden kómek qajet pe ekenіn surap, polıtsııa shaqyrýǵa keńes bergen. Alaıda osy sátte er adam oqıǵa ornynan qashyp ketken.
Oqıǵaǵa qatysty Almaty qalasynyń polıtsııa departamentі de pіkіr bіldіrdі.
Polıtsııa málіmetіnshe, bul derek Bostandyq aýdandyq polıtsııa basqarmasynda tіrkelgen. Qazіr qyzmetkerler quqyq buzýshylyqqa qatysy bar adamnyń jeke basyn anyqtap, oqıǵanyń barlyq mán-jaıyn tekserіp jatyr.
Tergeý barysynda shabýyldyń naqty sebepterі men quqyqtyq baǵasy anyqtalatyn bolady.
Material avtory
