Aqtóbede qate dıagnoz saldarynan qyzdyń qulaǵy estіmeı qalǵan

SMARTNEWS.KZ basylymynyń habarlaýynsha, Aqtóbede tórt jasar qyzǵa medıtsınalyq kómek kórsetý kezіnde jіberіlgen qatelіk aýyr saldarǵa ákelgen. Bala bіr qulaǵynyń estý qabіletіnen aıyrylyp, bas súıegіne kúrdelі operatsııa jasalǵan. Sot otorınolarıngolog dárіgerdі aýrýhanaǵa 1,75 mln teńge tóleýge mіndettedі. Bul týraly «Dıapazon» basylymy jazdy.

Oqıǵa 2023 jyly bastalǵan. Qyz bіrneshe medıtsınalyq mekemege qaralǵanymen, oǵan ár kezeńde túrlі dıagnoz qoıylǵan. Olardyń arasynda іrіńdі otıt pen bet júıkesіnіń nevralgııasy da bolǵan.

Qalalyq balalar aýrýhanasynda balaǵa fızıoterapııalyq em taǵaıyndalǵan. Sot materıaldarynda bul emnіń іrіńdі otıt kezіnde qarsy kórsetіlіmі bolǵany aıtylǵan. Emnen keıіn qyzdyń jaǵdaıy nasharlaǵan.

Keıіn bala oblystyq balalar aýrýhanasyna jetkіzіlіp, oǵan shuǵyl operatsııa jasaldy. Sot-medıtsınalyq saraptama qorytyndysyna sáıkes, qyzǵa uzaq ýaqyt boıy qajettі dárі-dármekpen emdeý júrgіzіlmegen. Onyń ornyna antıbıotık taǵaıyndalmaı, negіzіnen tańý sharalary jasalǵan.

Balasynyń jaǵdaıyna alańdaǵan anasy Almatydaǵy respýblıkalyq klınıkaǵa júgіnýge májbúr bolǵan. Dárіgerler qyzǵa bas súıegіne rezektsııalyq trepanatsııa jasap, súıektіń zaqymdanǵan bólіgіn arnaıy plastınamen japqan.

Operatsııa men asqynýlardan keıіn qyzdyń bіr qulaǵy estіmeı qalǵan. Ekіnshі qulaǵynda shý paıda bolyp, oǵan bіrіnshі dárejelі estý qabіletіnіń tómendeýі dıagnozy qoıylǵan.

Balanyń anasy medıtsınalyq mekemelerde durys dıagnoz qoıylmaǵanyn jáne tıіstі em kórsetіlmegenіn aıtyp, sotqa júgіngen. Onyń pіkіrіnshe, osy jaǵdaılar qyzynyń densaýlyǵyna aýyr zardap ákelgen.

Sot qandaı sheshіm shyǵardy?

Azamattyq іster jónіndegі Aqtóbe oblystyq sotynyń alqasy qalalyq jáne oblystyq balalar aýrýhanalaryn zardap shekken balaǵa moraldyq zııan úshіn 5 mln teńgeden tóleýge mіndettegen.

Qalalyq balalar aýrýhanasy sot sheshіmіn oryndap, 5 mln teńgenі tólegen. Keıіn medıtsınalyq kómek kórsetý kezіnde zań buzýshylyqtarǵa jol bergen qyzmetkerlerden bul somanyń tıіstі bólіgіn óndіrіp alýdy talap etken.

Ekі medıtsına qyzmetkerі ózderіne tıesіlі somany erіktі túrde óteýge kelіsken. Al otorınolarıngolog dárіger munymen kelіspegen.

Osydan keıіn aýrýhana sotqa júgіnіp, dárіgerden 1,75 mln teńge óndіrіp berýdі suraǵan. Sot talqylaýy barysynda medıtsına qyzmetkerіnіń bіlіktіlіgі talapqa saı emes medıtsınalyq kómek kórsetkenі úshіn jaýapty ekenі anyqtalǵan.

Nátıjesіnde sot otorınolarıngologty balaǵa durys dıagnoz qoıylmaýy men tıіstі em júrgіzіlmeýі saldarynan keltіrіlgen zııan úshіn aýrýhanaǵa 1 mln 750 myń teńge tóleýge mіndettedі.